അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.പുതുപ്പള്ളി: യുഡിഎഫ് സ്ഥാനാര്‍ത്ഥി ചാണ്ടി ഉമ്മന്‍ സര്‍വ്വകാല റെക്കോര്‍ഡില്‍ വിജയിക്കുമെന്ന് തിരുവഞ്ചൂര്‍ രാധാകൃഷ്ണന്‍. സര്‍ക്കാരിന്റെ തെറ്റായ പ്രവണതകളെ എതിര്‍ക്കുന്നയാളുകളാണ് യുഡിഎഫുകാര്‍. എട്ട് വര്‍ഷമായി കേരളത്തില്‍ നടക്കുന്ന ദുര്‍ഭരണത്തിനെതിരായ ജനവിധിയാണ് പ്രതീക്ഷിക്കുന്നതെന്നും തിരുവഞ്ചൂര്‍ രാധാകൃഷ്ണന്‍ മാധ്യമങ്ങളോട് പറഞ്ഞു. വിക്ടറി ചിഹ്നം ഉയര്‍ത്തികൊണ്ടായിരുന്നു തിരുവഞ്ചൂരിന്റെ പ്രതികരണം.
‘പുതുപ്പള്ളി വിധി സര്‍ക്കാരിന്റെ വിലയിരുത്തലാണെന്ന് സിപിഐഎം സംസ്ഥാന സെക്രട്ടറി എം വി ഗോവിന്ദന്‍ തന്നെയാണ് പറഞ്ഞത്. ആ വെല്ലുവിളി ഞങ്ങള്‍ ഏറ്റെടുക്കുകയായിരുന്നു. ഇത് സര്‍ക്കാരിന്റെ വിലയിരുത്തല്‍ തന്നെയാണ്. തൃക്കാക്കര തിരഞ്ഞെടുപ്പ് സര്‍ക്കാരിന്റെ വിലയിരുത്തലായിരിക്കുമെന്ന് തുടക്കത്തില്‍ എല്‍ഡിഎഫ് പറഞ്ഞു. തോറ്റപ്പോള്‍ ഒന്നും മിണ്ടിയില്ല. പുതുപ്പള്ളിയില്‍ സര്‍വ്വകാല റെക്കോര്‍ഡോടെ ചാണ്ടി ഉമ്മന്‍ ജയിക്കും.’ തിരുവഞ്ചൂര്‍ രാധാകൃഷ്ണന്‍ പറഞ്ഞു.
പുതുപ്പള്ളിയിലെ ജനങ്ങളുടെ പിന്തുണ കിട്ടിയിട്ടുണ്ട്. വിജയം സുനിശ്ചിതമാണെന്ന് ചാണ്ടി ഉമ്മനും പ്രതികരിച്ചു. അതാണ് റിയാലിറ്റി. ഭൂരിപക്ഷം പ്രവചിക്കുന്നില്ലെന്നും അദ്ദേഹം കൂട്ടിച്ചേര്‍ത്തു. ഉമ്മന്‍ചാണ്ടിയുടെ കല്ലറയിലേക്ക് പോകുന്നതിന് മുമ്പായിരുന്നു പ്രതികരണം.
പുതുപ്പള്ളി ജനമനസ്സ് ആര്‍ക്കൊപ്പമെന്ന് അറിയാന്‍ ഇനി മണിക്കൂറുകള്‍ മാത്രമാണുള്ളത്. രാവിലെ എട്ടേകാലോടെ ആദ്യഫലസൂചന പുറത്തുവരും. കോട്ടയം ബസേലിയസ് കോളേജിലാണ് വോട്ടെണ്ണല്‍ കേന്ദ്രം. ആദ്യ റൗണ്ട് എണ്ണിത്തീരുമ്പോള്‍ തന്നെ ട്രെന്‍ഡ് വ്യക്തമാകും. പിന്നീട് രണ്ട് മണിക്കൂറിനകം ഫലം അറിയാവുന്ന തരത്തിലാണ് ക്രമീകരണം.
അന്വേഷണം വാർത്തകൾ വാട്സ്ആപ്പിലൂടെ ലഭിക്കാൻ ക്ലിക്ക് ചെയ്യു
നിങ്ങൾ അറിയാൻ ആഗ്രഹിക്കുന്ന വാർത്തകൾ നിങ്ങളുടെ Facebook Feed ൽ Anweshanam
നിങ്ങൾ അറിയാൻ ആഗ്രഹിക്കുന്ന വാർത്തകൾ നിങ്ങളുടെ ടെലിഗ്രാമിൽ അന്വേഷണം
അന്വേഷണം വാർത്തകൾ അറിയാൻ Threads– ൽ Join ചെയ്യാം
