ശ്രദ്ധിക്കൂ, ദിവസവും ഏലയ്ക്കയിട്ട് തിളപ്പിച്ച വെള്ളം കുടിച്ചാൽ

ചായയിലും മറ്റ് ഭക്ഷണങ്ങളിലും ചേർക്കുന്ന സുഗന്ധവ്യഞ്ജനമാണ് ഏലയ്ക്ക. ദിവസവും അൽപം ഏലയ്ക്കയിട്ട് തിളപ്പിച്ച വെള്ളം കുടിക്കുന്നത് നിരവധി ആരോ​ഗ്യ​ഗുണങ്ങൾ നൽകുന്നു. ഏലയ്ക്കാ വെള്ളം ശരീരത്തിൽ അടിഞ്ഞുകൂടുന്ന അധിക കൊഴുപ്പ് കുറയ്ക്കുന്നു. വിവിധ പോഷകങ്ങളും ആന്റിഓക്‌സിഡന്റുകളും അടങ്ങിയതാണ് ഏലത്തിന്റെ  ഗുണം. ഇത് ശരീരഭാരം നിയന്ത്രിക്കാൻ സഹായിക്കുന്നു.

ദിവസവും ഏലയ്ക്ക വെള്ളം കുടിച്ചാലുള്ള ​ഗുണങ്ങൾ ചെറുതൊന്നുമല്ല കേട്ടോ. ഏലയ്ക്ക വെള്ളം ദിവസവും കുടിച്ചാൽ ജലദോഷം, തൊണ്ട വേദന എന്നിവ ഇല്ലാതിരിക്കാൻ സഹായിക്കും. ദിവസവും ഒരു ഗ്ലാസ് ഏലയ്ക്കാവെള്ളം കുടിക്കുന്നത് ഏറെ ആരോഗ്യപരമായ ഗുണങ്ങൾ നൽകും. പ്രതിരോധശേഷി വെെറ്റമിൻ സി ധാരാളമായി ഏലയ്ക്കയിൽ അടങ്ങിയിട്ടുണ്ട്.  

also read.. കരളിന്റെ ആരോഗ്യത്തിനായി ഈ അഞ്ച് ഭക്ഷണങ്ങൾ കഴിക്കാം

ഏലയ്ക്ക വെള്ളം കുടിക്കുന്നത് ദഹനവ്യവസ്ഥയെ ശക്തിപ്പെടുത്തുക മാത്രമല്ല, വയറുവേദന അകറ്റാനും ശരീരത്തിന്റെ പ്രതിരോധശേഷി വർദ്ധിപ്പിക്കാനും സഹായിക്കുന്നു. ഏലയ്ക്കയിൽ അടങ്ങിയിരിക്കുന്ന ആന്റി ഓക്‌സിഡന്റുകൾ ഹൃദയാഘാതത്തെ കുറയ്ക്കുന്നു. 

ഏലയ്ക്കയ്ക്ക് വിഷാദരോഗത്തെ നേരിടാനുള്ള സവിശേഷമായ കഴിവുണ്ട്. ഏലയ്ക്ക പൊടിച്ചതിനുശേഷം നിങ്ങളുടെ ദൈനംദിന ചായയിൽ തിളപ്പിച്ച് കുടിക്കുന്നതിലൂടെ മാനസിക ആരോഗ്യം മെച്ചപ്പെടുത്തും. ആസ്തമ തടയാൻ വളരെ നല്ലതാണ് ഏലയ്ക്ക

മലബന്ധം പോലുള്ള പ്രശ്‌നങ്ങൾ ഉള്ളവർ ഏലയ്ക്കാ വെള്ളം കുടിക്കണം. ഇത് സ്ഥിരമായി കഴിക്കുന്നത് ദഹനസംബന്ധമായ എല്ലാ പ്രശ്നങ്ങളും ഇല്ലാതാക്കുന്നു. ഏലയ്ക്കയ്ക്ക് ശക്തമായ ആന്റിമൈക്രോബയൽ ഗുണങ്ങളുണ്ട്.

ഇത് നല്ല ദന്ത ശുചിത്വത്തിന് പുറമേ വായ്‌നാറ്റം എന്നെന്നേക്കുമായി ഇല്ലാതാക്കാൻ സഹായിക്കും. ഏലയ്ക്കയിൽ അടങ്ങിയിരിക്കുന്ന ഫൈറ്റോകെമിക്കൽ, സിനിയോൾ, വായ്നാറ്റം ഉണ്ടാക്കുന്ന ബാക്ടീരിയകളെ കൊല്ലുന്നതിനും അറകളും പല്ലുകൾ നശിക്കുന്നതും തടയുന്നതിനും അറിയപ്പെടുന്ന ഒരു ശക്തമായ ആന്റിസെപ്റ്റിക് ആണ്.