താ​നൂ​ർ ക​സ്റ്റ​ഡി മ​ര​ണം: മ​ല​പ്പു​റം എ​സ്പി പ​രി​ശീ​ല​ന​ത്തി​ന് പുറപ്പെടുന്നു, പകരം ചുമതല പാലക്കാട് എസ്പിക്ക്

മ​ല​പ്പു​റം: താ​നൂ​ർ ക​സ്റ്റ​ഡി മ​ര​ണ​വു​മാ​യി ബ​ന്ധ​പ്പെ​ട്ട വി​വാ​ദ​ങ്ങ​ൾ​ക്കി​ടെ മ​ല​പ്പു​റം എ​സ്പി പ​രി​ശീ​ല​ന​ത്തി​ന് പോ​കു​ന്നു. മ​ല​പ്പു​റം എ​സ്പി സു​ജി​ത് ദാ​സ് ആ​ണ് പ​രി​ശീ​ല​ന​ത്തി​ന് പോ​കു​ന്ന​ത്. ഹൈ​ദ​രാ​ബാ​ദ് നാ​ഷ​ണ​ൽ പോ​ലീ​സ് അ​ക്കാ​ദ​മി​യി​ലാ​ണ് പ​രി​ശീ​ല​നം. സുജിത് ദാസിന് പകരം മലപ്പുറം എസ്പിയുടെ ചുമതല പാലക്കാട് എസ് പി ആനന്ദിന് കൈമാറി.

എ​സ്പി യു​ടെ കീ​ഴി​ലു​ള്ള ഡാ​ൻ​സാ​ഫ് സം​ഘം പി​ടി​കൂ​ടി​യ എം​ഡി​എം​എ കേ​സി​ലെ പ്ര​തി താ​മി​ർ ജി​ഫ്രി​യു​ടേ​ത് ക്രൂ​ര​മാ​യ ക​സ്റ്റ​ഡി കൊ​ല​പാ​ത​ക​മാ​ണെ​ന്ന് പോ​സ്റ്റ്മോ​ർ​ട്ടം റി​പ്പോ​ർ​ട്ട് വ്യ​ക്ത​മാ​ക്കി​യി​രു​ന്നു.

സം​ഭ​വ​ത്തി​ൽ അ​ന്വേ​ഷ​ണം നീ​തി​യു​ക്ത​മാ​കാ​ൻ സു​ജി​ത് ദാ​സി​നെ ചു​മ​ത​ല​യി​ൽ നി​ന്നും മാ​റ്റി നി​ർ​ത്ത​ണ​മെ​ന്ന് വി​വി​ധ പാ​ർ​ട്ടി​ക​ൾ ആ​വ​ശ്യ​മു​ന്ന​യി​ച്ചി​രു​ന്നു.

താനൂർ കസ്റ്റഡി മരണത്തിൽ  ക്രൈം ബ്രാഞ്ച് പ്രതിപട്ടിക സമർപ്പിച്ചിരുന്നു. പരപ്പനങ്ങാടി ജുഡീഷ്യൽ ഫസ്റ്റ് ക്ലാസ് മജിസ്‌ട്രേറ്റ് കോടതിയിലാണ് ആദ്യഘട്ട പ്രതിപട്ടിക സമർപ്പിച്ചിരിക്കുന്നത്. നാല് പൊലീസ് ഉദ്യോഗസ്ഥരാണ് പ്രതിപ്പട്ടികയിലുള്ളത്. എസ്പിക്ക് കീഴിലെ ഡാൻസാഫ് സംഘത്തിലെ ഉദ്യോഗസ്ഥരാണ് പ്രതികൾ. ഇവർക്കെതിരെ കൊലക്കുറ്റമാണ് ക്രൈം ബ്രാഞ്ച് ചുമത്തിയിരിക്കുന്നത്. താനൂർ സ്റ്റേഷനിലെ എസ് സിപിഒ ജിനേഷിനെ ഒന്നാം പ്രതിയാക്കിയും പരപ്പനങ്ങാടി സ്റ്റേഷനിലെ സിപിഒ ആൽബിൻ അഗസ്റ്റിൻനെ  രണ്ടാം പ്രതിയാക്കിയുമാണ് കുറ്റപത്രം.

Read also സിവിൽ സർവീസ്: അറിയേണ്ടതെല്ലാം ഒരു കുടക്കീഴിൽ നൽകി എൻലൈറ്റ് ഐ.എ.സ് അക്കാദമി

മൂന്നാം പ്രതി കൽപ്പകഞ്ചേരി സ്റ്റേഷനിലെ സിപിഒ അഭിമന്യു, നാലാം പ്രതി തിരൂരങ്ങാടി സ്റ്റേഷനിലെ സിപിഒ വിപിൻ എന്നിവരാണ്. കേസിൽ കൂടുതൽ പേർ പ്രതികളാകുമെന്നും സൂചനയുണ്ട്. നേരത്തെ, താനൂർ കസ്റ്റഡി മരണത്തിൽ മനുഷ്യവകാശ കമ്മീഷൻ റിപ്പോർട്ട്‌ തേടിയിരുന്നു.  

https://www.youtube.com/watch?v=_x1h-huIQN8

അന്വേഷണം വാർത്തകൾ വാട്സ്ആപ്പിലൂടെ ലഭിക്കാൻ ക്ലിക്ക് ചെയ്യു,

നിങ്ങൾ അറിയാൻ ആഗ്രഹിക്കുന്ന വാർത്തകൾ നിങ്ങളുടെ Facebook Feed ൽ Anweshanam

നിങ്ങൾ അറിയാൻ ആഗ്രഹിക്കുന്ന വാർത്തകൾ നിങ്ങളുടെ ടെലിഗ്രാമിൽ അന്വേഷണം

അന്വേഷണം വാർത്തകൾ അറിയാൻ  Threads– ൽ Join ചെയ്യാം