നേരം പുലർന്നപ്പോൾ റോഡിന് നടുവിൽ മണൽ കൂന, അമ്പരന്ന് നാട്ടുകാർ

തളിപ്പറമ്പ്∙ നേരം പുലർന്നപ്പോൾ റോഡിനു നടുവിൽ മണൽ കൂന കണ്ട് അമ്പരന്ന് നാട്ടുകാർ. തളിപ്പറമ്പ് തൃച്ചംബരത്തിന് സമീപം ഭാരതിയ വിദ്യാഭവൻ റോഡിലാണ് തിങ്കളാഴ്ച രാവിലെ ഗതാഗതം തടസപ്പെടുത്തി കൊണ്ട് മണൽ കൂന കണ്ടത്.

also read.. അൽ ദബാബിയ സ്ട്രീറ്റിൽ 16 മുതൽ രാത്രി ഗതാഗത നിയന്ത്രണം

ഇന്നലെ രാത്രി സംശയാസ് പദമായ സാഹചര്യത്തിൽ കണ്ട ടിപ്പർ ലോറിയെ തളിപ്പറമ്പ് എസ്ഐ യദുകൃഷ്ണന്റെ നേതൃത്വത്തിൽ പിന്തുടർന്നപ്പോൾ കുത്തനെയുള്ള റോഡിൽ പൊലീസ് വാഹനത്തിന് മുൻപിൽ അനധികൃതമായി കടത്തുകയായിരുന്ന മണൽ തട്ടി ലോറി ഓടിച്ച് പോവുകയായിരുന്നു.

നിരവധി സ്കൂൾ വാഹനങ്ങൾ ഉൾപെടെ കടന്ന് പോകുന്ന റോഡിൽ ഗതാഗതം തടസപ്പെട്ടതോടെ നാട്ടുകാർ മണൽ മാറ്റിയാണ് ഗതാഗത തടസം നീക്കിയത്.