പാ​ക്കി​സ്ഥാ​നി​ൽ ചൈ​നീ​സ് എ​ൻ​ജി​നീ​യ​ർ​മാ​രു​ടെ വാ​ഹ​ന​വ്യൂ​ഹ​ത്തി​നു​നേ​രെ ബോംബേറ്

ഇ​സ്ലാ​മാ​ബാ​ദ്: പാ​ക്കി​സ്ഥാ​നി​ല്‍ ചൈ​നീ​സ് എ​ൻ​ജി​നീ​യ​ർ​മാ​രു​ടെ വാ​ഹ​ന​വ്യൂ​ഹ​ത്തി​നു നേ​രെ ബ​ലു​ചി​സ്ഥാ​ൻ ഭീ​ക​ര​രു​ടെ ആ​ക്ര​മ​ണം. ചൈനയെയും പാക്കിസ്ഥാനിലെ ഗ്വാദർ തുറമുഖത്തെയും തമ്മിൽ ബന്ധിപ്പിക്കുന്ന പാതയുടെ നിർമാണ മേൽനോട്ടം വഹിക്കുന്ന ചൈനീസ് എൻജിനീയർമാർക്ക് നേരെയായിരുന്നു ആക്രമണശ്രമം. 
ഞായറാഴ്ച രാവിലെയായിരുന്നു സംഭവം. ര​ണ്ട് ഭീ​ക​ര​രാ​ണ് ആ​ക്ര​മ​ണം ന​ട​ത്തി​യ​ത്. ഇ​വ​രെ സൈ​ന്യം വ​ധി​ച്ചു. ഏ​റ്റു​മു​ട്ട​ലി​ൽ ചൈ​നീ​സ് എ​ൻ​ജി​നീ​യ​ർ​മാ​ർ​ക്കോ മ​റ്റ് പാ​ക്കി​സ്ഥാ​ൻ പൗ​രന്മാ​ർ​ക്കോ പ​രി​ക്കേ​റ്റി​ട്ടി​ല്ലെ​ന്നും അ​ധി​കൃ​ത​ർ അ​റി​യി​ച്ചു.

ഗ്വാ​ദ​റി​ൽ നി​ര​വ​ധി ചൈ​ന​ക്കാ​രാ​ണ് ജോ​ലി ചെ​യ്യു​ന്ന​ത്. ഇ​ന്ന​ത്തെ ആ​ക്ര​മ​ണ​ത്തി​ന്‍റെ ഉ​ത്ത​ര​വാ​ദി​ത്തം ഏ​റ്റെ​ടു​ത്ത ബ​ലൂ​ചി​സ്ഥാ​ൻ ലി​ബ​റേ​ഷ​ൻ ആ​ർ​മി (ബി​എ​ൽ​എ) പ്ര​ദേ​ശ​ത്തെ ചൈ​നീ​സ് നി​ക്ഷേ​പ​ങ്ങ​ളെ എ​തി​ർ​ത്തു. ഇ​ത് പ്രാ​ദേ​ശി​ക ജ​ന​ങ്ങ​ൾ​ക്ക് ഗു​ണം ചെ​യ്യു​ന്നി​ല്ലെ​ന്നാ​ണ് ബി​എ​ൽ​എ​യു​ടെ വാ​ദം.
 
പാക്കിസ്ഥാൻ പൗരന്മാർക്ക് ഗുണകരമാകാത്ത പദ്ധതിയാണ് ചൈന നടപ്പാക്കുന്നതെന്നും അവർ ആരോപിച്ചു. ഗ്വാദർ തുറമുഖപ്രദേശത്ത്  നിരവധി ചൈനീസ് പൗരന്മാരാണ് ജോലി ചെയ്യുന്നത്. ആക്രമണത്തിന്റെ പശ്ചാത്തലത്തിൽ പൗരന്മാർ വീടുകളിൽ തന്നെ കഴിയണമെന്ന് ചൈനീസ് കോൺസുലേറ്റ് നിർദേശം നൽകി. പാക്കിസ്ഥാനുമായുള്ള ബന്ധത്തിന്റെ പത്താം വാർഷികത്തിൽ വമ്പൻ സഹായമാണ് ചൈനീസ് പ്രസിഡന്റ് ഷി ചിൻപിങ് പാക്കിസ്ഥാന് നൽകിയത്. 

ചൈന–പാക്ക് ഇക്കണോമിക് കോറിഡോർ (സിപിഇസി) പദ്ധതിക്കായി 6000 കോടി ഡോളർ സഹായം പ്രഖ്യാപിച്ചു ബെൽറ്റ് ആൻഡ് റോഡ് ഇനിഷ്യേറ്റീവ് (ബിആർഐ) പദ്ധതിയുടെ ഭാഗമായി ചൈനയെയും പാക്കിസ്ഥാനിലെ ഗ്വാദർ തുറമുഖത്തെയും തമ്മിൽ ബന്ധിപ്പിക്കുന്ന പാതയ്‌ക്കാണ് പ്രധാനമായും തുക അനുവദിച്ചത്. 

അന്വേഷണം വാർത്തകൾ വാട്സ്ആപ്പിലൂടെ ലഭിക്കാൻ ക്ലിക്ക് ചെയ്യു

നിങ്ങൾ അറിയാൻ ആഗ്രഹിക്കുന്ന വാർത്തകൾ നിങ്ങളുടെ Facebook Feed ൽ Anweshanam

നിങ്ങൾ അറിയാൻ ആഗ്രഹിക്കുന്ന വാർത്തകൾ നിങ്ങളുടെ ടെലിഗ്രാമിൽ അന്വേഷണം

അന്വേഷണം വാർത്തകൾ അറിയാൻ  Threads– ൽ Join ചെയ്യാം