അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.നെറ്റ്ഫ്ളിക്സ് അക്കൗണ്ടുകൾ പങ്കെടുന്നതിൽ കൂടുതൽ നിയന്ത്രണങ്ങളുമായി നെറ്റ്ഫ്ളിക്സ്. കുടുംബാംഗങ്ങളെല്ലാത്തവർക്ക് പാസ്വേഡ് പങ്കിടുന്നത് തടയുകയാണ് കമ്പനിയുടെ ലക്ഷ്യം. ‘നിങ്ങളുടെ നെറ്റ്ഫ്ളിക്സ് അക്കൗണ്ട് നിങ്ങൾക്കും നിങ്ങളുടെ വീട്ടിൽ താമസിക്കുന്നവർക്കും വേണ്ടിയുള്ളതാണ് നെറ്റ്ഫ്ളിക്സ് അതിന്റെ ബ്ലോഗിൽ പോസ്റ്റ് ചെയ്ത ഇമെയിലിൽ പറയുന്നു. പാസ് വേഡ് പങ്കുവെക്കുന്നത് നിയന്ത്രിക്കുന്നതിനായി ബോറോവർ, ഷെയേർഡ് അക്കൗണ്ടുകളും ചില രാജ്യങ്ങളിൽ നെറ്റ്ഫ്ളിക്സ് പരീക്ഷിച്ചിരുന്നു. വരുമാനം വർധിപ്പിക്കാനുള്ള ശ്രമത്തിന്റെ ഭാഗമായാണ് കമ്പനിയുടെ ഈ നീക്കം.
‘പാസ്വേഡ് പങ്കിടലിന്റെ നാളുകൾ അവസാനിച്ചു. നിങ്ങളുടെ വീടിന് പുറത്തുള്ളവർക്ക് അക്കൗണ്ട് പങ്കിടാം എന്നാല്‍ അത് സൗജന്യമായി ചെയ്യാൻ കഴിയില്ല. അക്കൗണ്ട് പങ്കിടണമെങ്കിൽ, അധിക അംഗ സ്ലോട്ടിന് പ്രതിമാസം $7.99 അധികമായി നൽകണം’. അമേരിക്ക, ബ്രിട്ടന്‍, ഫ്രാന്‍സ്, ജര്‍മ്മനി, ഓസ്ട്രേലിയ, സിംഗപ്പൂര്‍, മെക്സിക്കോ, ബ്രസീല്‍ തുടങ്ങിയ പ്രമുഖ വിപണികള്‍ ഉള്‍പ്പെടെ നൂറിലധികം രാജ്യങ്ങളില്‍ ഈ വര്‍ഷം മെയ് മാസത്തില്‍ നെറ്റ്ഫ്ലിക്സ് പാസ്വേഡ് പങ്കിടലിന് നിയന്ത്രണങ്ങള്‍ ഏര്‍പ്പെടുത്തി.
അതിനിടയില്‍ നെറ്റ്ഫ്ലിക്സ് യുണൈറ്റഡ് സ്റ്റേറ്റ്‌സിലും യുണൈറ്റഡ് കിംഗ്ഡത്തിലും അതിന്റെ ഏറ്റവും താങ്ങാനാവുന്ന പരസ്യരഹിത പ്ലാനും ഒഴിവാക്കി പരസ്യരഹിത സ്ട്രീമിംഗ് ഓപ്ഷനുകളുടെ വില ഉയര്‍ത്തി. യുഎസില്‍, അടിസ്ഥാന പ്ലാനിന് പ്രതിമാസം 9.99 ഡോളര്‍ ആയിരുന്നു വില. അത് നീക്കം ചെയ്തതോടെ പരസ്യരഹിത സ്ട്രീമിംഗ് ഇപ്പോള്‍ പ്രതിമാസം 15.49-ഡോളറില്‍ ആരംഭിക്കുന്നു.
ഉപഭോക്താക്കൾ തങ്ങളുടെ നെറ്റ്ഫ്ളിക്സ് അക്കൗണ്ടുകൾ വ്യാപകമായി പങ്കുവയ്ക്കുന്നത് ടിവി സിനിമ എന്നിവയ്ക്കായുള്ള കമ്പനിയുടെ നിക്ഷേപത്തെ വലിയതോതിൽ ബാധിക്കുന്നുണ്ട്. ലോകത്ത് ഏറ്റവും കൂടുതൽ വരിക്കാറുള്ള ഒ.ടി.ടി പ്ലാറ്റ്ഫോമാണ് നെറ്റ്ഫ്ളിക്സ്. എന്നാൽ, പാസ്വേഡ് പങ്കുവയ്ക്കുന്ന ഉപയോക്താക്കൾ ക്രിമിനൽ കേസ് അടക്കമുള്ള നിയമനടപടികൾ നേരിടേണ്ടിവരുമെന്ന റിപ്പോർട്ട് നേരത്തെ പുറത്തുവന്നിരുന്നു. സ്വന്തം വീട്ടുകാരല്ലാത്ത ആളുകൾക്ക് പാസ്വേഡ് പങ്കുവയ്ക്കുന്നവർക്കെതിരെ കമ്പനി നേരത്തെയും നടപടി സ്വീകരിച്ചിരുന്നു. ലോകത്തെങ്ങുമായി പത്തു കോടിയിലേറെ വീട്ടുകാർ പാസ്വേഡ് പങ്കുവച്ച് ഉപയോഗിക്കുന്നുണ്ടെന്ന റിപ്പോർട്ടും നെറ്റ്ഫ്ളിക്സ് പുറത്തിറക്കിയിരുന്നു.
അന്വേഷണം വാർത്തകൾ വാട്സ്ആപ്പിലൂടെ ലഭിക്കാൻ ക്ലിക്ക് ചെയ്യു,
നിങ്ങൾ അറിയാൻ ആഗ്രഹിക്കുന്ന വാർത്തകൾ നിങ്ങളുടെ Facebook Feed ൽ Anweshanam
നിങ്ങൾ അറിയാൻ ആഗ്രഹിക്കുന്ന വാർത്തകൾ നിങ്ങളുടെ ടെലിഗ്രാമിൽ അന്വേഷണം
അന്വേഷണം വാർത്തകൾ അറിയാൻ Threads– ൽ Join ചെയ്യാം
