ആന്‍റണിയുടെ കോലം കത്തിച്ച ഉമ്മൻ ചാണ്ടി ഗ്രൂപ്പിന്റെ സ്മരണയിൽ ഓണാട്ടുകര

കാ​യം​കു​ളം: ഓ​ണാ​ട്ടു​ക​ര​യു​ടെ തെ​രു​വി​ൽ എ.​കെ. ആ​ന്‍റ​ണി​യു​ടെ കോ​ലം ക​ത്തി​ച്ച​തി​ലൂ​ടെ​യാ​ണ് എ ​ഗ്രൂ​പ്പി​നു​ള്ളി​ലെ ഉ​മ്മ​ൻ ചാ​ണ്ടി​യു​ടെ ഉ​പ ഗ്രൂപ്പിന്റെ ശക്തി ഒ​രു​കാ​ല​ത്ത് പൊ​തു​സ​മൂ​ഹം തി​രി​ച്ച​റി​ഞ്ഞ​ത്. 1995ൽ ​കെ. ക​രു​ണാ​ക​ര​ൻ രാ​ജി​വെ​ച്ച​പ്പോ​ൾ ക​പ്പി​നും ചു​ണ്ടി​നു​മി​ട​യി​ൽ ഉ​മ്മ​ൻ ചാ​ണ്ടി​ക്ക് മു​ഖ്യ​മ​ന്ത്രി സ്ഥാ​നം ന​ഷ്ട​മാ​യ​ത് അ​ദ്ദേ​ഹ​ത്തെ സ്നേ​ഹി​ച്ച പ്ര​വ​ർ​ത്ത​ക​രെ അ​സ്വ​സ്ഥ​ത​പ്പെ​ടു​ത്തി​യി​രു​ന്നു. ഇ​തി​ൽ ആ​ദ്യം ഉ​യ​ർ​ന്ന പ്ര​തി​ഷേ​ധം കാ​യം​കു​ള​ത്താ​യി​രു​ന്നു. ആ​ന്‍റ​ണി​യു​ടെ കോ​ലം തെ​രു​വി​ൽ​നി​ന്ന് ക​ത്തി​യ​ത് എ ​ഗ്രൂ​പ്പി​നു​ള്ളി​ൽ സൃ​ഷ്ടി​ച്ച ആ​ഘാ​തം ക​ന​ത്ത​താ​യി​രു​ന്നു. ഗ്രൂ​പ്പി​നു​ള്ളി​ൽ വ​ലി​യ പൊ​ട്ടി​ത്തെ​റി​ക​ൾ​ക്കും ഇ​ത് വ​ഴി​തെ​ളി​ച്ചു. ഉ​മ്മ​ൻ ചാ​ണ്ടി​ക്ക്​ അ​ത്രയേറെ വി​ശ്വ​സ്തരായ അ​നു​യാ​യി​ക​ളാ​ണ് ഓ​ണാ​ട്ടു​ക​ര​യി​ൽ ഉ​ണ്ടാ​യി​രു​ന്ന​ത്. കാ​ലം പി​ന്നി​ട്ട​തോ​ടെ ഗ്രൂ​പ്പു​ക​ളി​ൽ മാ​റ്റം സം​ഭ​വി​ച്ചെ​ങ്കി​ലും പ​ഴ​യ​കാ​ല സൗ​ഹൃ​ദ​ത്തി​ന് കോ​ട്ടം ത​ട്ടാ​തെ കാ​ത്തു​സൂ​ക്ഷി​ച്ചി​രു​ന്നു.

Read More: യുക്രെയ്ൻ തുറമുഖങ്ങളിൽ റഷ്യൻ ആക്രമണം

ഓ​ണാ​ട്ടു​ക​ര​യു​ടെ ഖ​ദ​ർ രാ​ഷ്ട്രീ​യ​ത്തി​ലെ ഒ​ഴി​ച്ചു​കൂ​ടാ​നാ​വാ​ത്ത സാ​ന്നി​ധ്യ​മാ​യി എ​ന്നും നി​റ​ഞ്ഞു​നി​ന്ന​യാ​ളാ​ണ് ഉ​മ്മ​ൻ ചാ​ണ്ടി. കെ.​എ​സ്.​യു പ്ര​സി​ഡ​ന്‍റാ​യി​രു​ന്ന കാ​ലം മു​ത​ൽ തു​ട​ങ്ങി​യ ബ​ന്ധം അ​വ​സാ​ന സ​മ​യം വ​രെ​യും നി​ല​നി​ർ​ത്തി. ആ​ന്‍റ​ണി​യു​ടെ ചി​ന്താ​ധാ​ര​യോ​ട് ചേ​ർ​ന്നു​നി​ന്ന ഓ​ട​നാ​ട്ടി​ലെ പാ​ർ​ട്ടി​യെ ഹൃ​ദ്യ​മാ​യ പെ​രു​മാ​റ്റ​ത്തി​ലൂ​ടെ ഒ​പ്പം ചേ​ർ​ത്ത ച​രി​ത്ര​മാ​ണ് ഉ​മ്മ​ൻ ചാ​ണ്ടി​ക്കു​ള്ള​ത്. ഇ​വി​ട​ത്തെ ഏ​തൊ​രു പ്ര​വ​ർ​ത്ത​ക​‍െൻറ​യും സ​ന്തോ​ഷ​ത്തി​ലും സ​ങ്ക​ട​ങ്ങ​ളി​ലും ഓ​ടി​യെ​ത്തി​യ​തി​ലൂ​ടെ​യാ​ണ് ഹൃ​ദ​യ​ങ്ങ​ൾ കീ​ഴ​ട​ക്കി​യ​ത്. പ്രി​യ​പ്പെ​ട്ട​വ​രു​ടെ മ​ര​ണ​ങ്ങ​ളി​ൽ വി​റ​ങ്ങ​ലി​ച്ച് നി​ന്ന പ്ര​വ​ർ​ത്ത​ക​രു​ടെ വീ​ടു​ക​ളി​ലേ​ക്ക് ആ​ശ്വാ​സ​വു​മാ​യി എ​ത്തി​യി​രു​ന്ന നേ​താ​വാ​യി​രു​ന്നു.

യൂ​ത്ത് കോ​ൺ​ഗ്ര​സ് പ്ര​സി​ഡ​ന്‍റും കോ​ൺ​ഗ്ര​സ് നേ​താ​വു​മാ​യി മാ​റു​ന്ന ഓ​രോ ഘ​ട്ട​ത്തി​ലും ബ​ന്ധം വി​പു​ല​മാ​കു​ക​യാ​യി​രു​ന്നു. മു​ൻ ന​ഗ​ര​സ​ഭ ചെ​യ​ർ​മാ​നാ​യി​രു​ന്ന ടി.​എ. ജാ​ഫ​ർ​കു​ട്ടി, ശാ​സ്താം​പ​റ​മ്പി​ൽ ശ​ങ്ക​ര​ൻ​കു​ട്ടി, ക​ണ്ണാ​ഞ്ചി​റ ദാ​മോ​ദ​ര​ൻ, വി.​കെ. രാ​ജ​ഗോ​പാ​ൽ എ​ന്നി​വ​രാ​യി​രു​ന്നു ആ​ദ്യ​കാ​ല സൗ​ഹൃ​ദ​ങ്ങ​ളി​ൽ ഇ​ടം​പി​ടി​ച്ച​വ​ർ. ഇ​തി​ൽ രാ​ജ​ഗോ​പാ​ൽ ഒ​ഴി​കെ​യു​ള്ള​വ​ർ കാ​ല​യ​വ​നി​ക​ക്കു​ള്ളി​ൽ മ​റ​ഞ്ഞു. 2004 ഡി​സം​ബ​ർ 26ന് ​സൂ​നാ​മി തി​ര​മാ​ല​ക​ൾ ആ​റാ​ട്ടു​പു​ഴ തീ​ര​ത്ത് ദു​ര​ന്തം വി​ത​ച്ച​പ്പോ​ൾ പു​തു​പ്പ​ള്ളി​യി​ലെ ക്രി​സ്മ​സ് ആ​ഘോ​ഷ​ച്ച​ട​ങ്ങി​നി​ട​യി​ൽ​നി​ന്നും കാ​യം​കു​ള​ത്തേ​ക്ക് കു​തി​ച്ചെ​ത്തി​യ മു​ഖ്യ​മ​ന്ത്രി ഉ​മ്മ​ൻ ചാ​ണ്ടി​യെ നാ​ട് ഇ​ന്നും ഓ​ർ​ക്കു​ന്നു​ണ്ട്. ദു​ര​ന്ത​ങ്ങ​ളി​ൽ വി​റ​ങ്ങ​ലി​ച്ചു​പോ​യ തീ​ര​ഗ്രാ​മ​ത്തി​ൽ​നി​ന്നും അ​ഭ​യാ​ർ​ഥി​ക​ളാ​യി ഒ​ഴു​കി​യെ​ത്തി​യ​ത് കാ​യം​കു​ള​ത്തേ​ക്കാ​യി​രു​ന്നു. സൂ​നാ​മി ദു​ര​ന്ത​ത്തി​ൽ മ​ര​ണ​പ്പെ​ട്ട​വ​രു​ടെ മൃ​ത​ദേ​ഹ​ങ്ങ​ളും ഗ​വ. ആ​ശു​പ​ത്രി​യി​ലേ​ക്കാ​ണ് എ​ത്തി​ച്ച​ത്. ഇ​വി​ടെ​യും ഓ​രോ ദു​രി​താ​ശ്വാ​സ ക്യാ​മ്പി​ലും ഓ​ടി​യെ​ത്തി ഏ​വ​രെ​യും ആ​ശ്വ​സി​പ്പി​ച്ചും ആ​ത്മ​വി​ശ്വാ​സം പ​ക​ർ​ന്നും മു​ന്നി​ൽ നി​ന്ന ഉ​മ്മ​ൻ ചാ​ണ്ടി ഇ​ന്നും അ​വ​രു​ടെ മ​ന​സ്സു​ക​ളി​ലു​ണ്ട്.

അന്വേഷണം വാർത്തകൾ വാട്സ്ആപ്പിലൂടെ ലഭിക്കാൻ ക്ലിക്ക് ചെയ്യു, 

നിങ്ങൾ അറിയാൻ ആഗ്രഹിക്കുന്ന വാർത്തകൾ നിങ്ങളുടെ Facebook Feed ൽ Anweshanam

നിങ്ങൾ അറിയാൻ ആഗ്രഹിക്കുന്ന വാർത്തകൾ നിങ്ങളുടെ ടെലിഗ്രാമിൽ അന്വേഷണം

അന്വേഷണം വാർത്തകൾ അറിയാൻ  Threads– ൽ Join ചെയ്യാം