അന്വേഷണം വാർത്തകൾ ലഭിക്കാന് വാട്സാപ്പ് ചാനലില് ചേരൂ.ഐഡിയ സ്റ്റാര് സിംഗര് എന്ന റിയാലിറ്റി ഷോയിലൂടെ എത്തി പിന്നീട് പിന്നണി ഗായികയായും അവതാരകയായുമൊക്കെ ശ്രദ്ധ നേടിയ മിടുക്കിയാണ് അഞ്ജു ജോസഫ്. ‘ഡോക്ടര് ലവ്’ എന്ന ചിത്രത്തില് പാടിയാണ് അഞ്ജു സിനിമ പിന്നണി ഗാനരംഗത്ത് തുടക്കം കുറിച്ചത്. സിനിമയിൽ പത്തിലധികം പാട്ടുകൾ അഞ്ജു ഇതിനകം പാടി കഴിഞ്ഞു. അഞ്ജുവിന്റെ കവർ സോങ്ങുകൾക്കും വലിയ ആരാധകരുണ്ട്. അര്ച്ചന 31 നോട്ടൗട്ട് എന്ന ചിത്രത്തിലൂടെ അഭിനയത്തിലും അഞ്ജു അരങ്ങേറ്റം കുറിച്ചിരുന്നു.
ഇപ്പോഴിതാ, ജീവിതത്തിൽ പിന്നിട്ട ഏറ്റവും സങ്കടകരമായൊരു ഘട്ടത്തെ കുറിച്ച് മനസ്സു തുറക്കുകയാണ് അഞ്ജു. തന്റെ വിവാഹമോചനത്തെ കുറിച്ച് ആദ്യമായാണ് അഞ്ജു സംസാരിക്കുന്നത്. ഐ ആം ധന്യ വർമ്മ ഷോയ്ക്ക് ഇടയിലാണ് അഞ്ജു വിവാഹമോചനത്തെ കുറിച്ചും ആ തീരുമാനത്തിലെത്താൻ കടന്നുപോയ കഠിനമായ യാത്രയെ കുറിച്ചും മനസ്സു തുറന്നത്. അഞ്ച് വർഷത്തെ പ്രണയത്തിനു ശേഷമാണ് അഞ്ജുവും അനൂപ് ജോണും വിവാഹിതരായത്. എന്നാൽ കുറച്ചു വർഷങ്ങളായി ഇരുവരും അകന്ന് ജീവിക്കുകയാണ്.
“ഇങ്ങനെയൊരു സ്പേസിൽ വന്ന് ഈ കാര്യം ഷെയർ ചെയ്യുമെന്ന് ഞാൻ ഒരിക്കലും വിചാരിച്ചതല്ല. പക്ഷേ, ഒരു തീരുമാനമെടുക്കാൻ കഴിയാതെ ഞാൻ കടന്നുപോയ അവസ്ഥകളിൽ വിഷമിക്കുന്ന ആർക്കെങ്കിലും എന്റെ തുറന്നുപറച്ചിൽ സഹായകരമാവുമെങ്കിൽ, ഡിവോഴ്സിനു ശേഷവും സന്തോഷം കണ്ടെത്താനാവുമെന്ന് മനസ്സിലാക്കാനായാൽ ഞാൻ ഹാപ്പിയാണ്,” അഞ്ജു പറയുന്നു.
‘ഏത് റിലേഷൻഷിപ്പ് ആയാലും അത് അവസാനിക്കുമ്പോൾ ഒരുപാട് വേദനയുണ്ടാകും. അതു ഭാര്യയും ഭർത്താവും തമ്മിലുള്ളതാവണമെന്നില്ല, മാതാപിതാക്കളുമായോ സുഹൃത്തുക്കളുമായോ പിരിയേണ്ടി വന്നാൽ പോലും സങ്കടമാണ്. എത്രയില്ലെന്നു പറഞ്ഞാലും ആ വേദനയുണ്ടാകും. അതിൽ നിന്നും പുറത്ത് കടക്കാൻ വളരെ ബുദ്ധിമുട്ടാണ്. ചിലർ പറഞ്ഞ് കേട്ടിട്ടുണ്ട് വേർപിരിയൽ വളരെ എളുപ്പമാണെന്ന്. ഒരുമിച്ച് ജീവിക്കാനാണ് വിഷമം എന്ന്. പക്ഷെ ഈ അവസ്ഥയിലൂടെ പോയിട്ടുള്ളവർ ഒരിക്കലും അത് പറയില്ല. കാരണം അത്രയും വേദനാജനകമാണ് ആ അവസ്ഥ. അതു നമ്മളെ ബാധിക്കും, നമ്മുടെ പങ്കാളിയെ ബാധിക്കും. എന്നിരുന്നാലും നിങ്ങൾ ഹാപ്പി അല്ലെങ്കിൽ അതു ചെയ്യുക തന്നെയാണ് നല്ലത്. പോസ്റ്റ് ഡിവൈഴ്സിനു ശേഷവും ജീവിതമുണ്ട്’, അഞ്ജു കൂട്ടിച്ചേർത്തു.
ഡിവോഴ്സ് എന്ന വാക്കിനോട് തന്നെ വലിയ പേടിയുള്ള ആളായിരുന്നു താനെന്ന് അഞ്ജു പറയുന്നു. താൻ ഇഷ്ടപ്പെട്ട് കണ്ടെത്തിയ ജീവിത പങ്കാളിയായതിനാൽ ആ ബന്ധം തകരാതിരിക്കാൻ താൻ ഏറെ കഷ്ടപ്പെട്ടുവെന്നും അഞ്ജു പറഞ്ഞു.
Also read : ദക്ഷിണേന്ത്യന് സിനിമകളില് തിളങ്ങിയ മലയാളി താരം ‘ദേവിക സതീഷ്’ മലയാളത്തിലെ നായികാ നിരയിലേക്ക്
“ഐഡിയ സ്റ്റാർ സിംഗറിലൂടെ വന്ന കാലം മുതൽ എനിക്ക് ഒരു ഗേൾ നെക്സ്റ്റ് ഡോർ ഇമേജ് ഉണ്ടായിരുന്നു. അതു ബ്രേക്ക് ചെയ്യരുത് എന്നത് എന്നും ഞാനെനിക്കു നൽകിയ പ്രഷർ ആയിരുന്നു. ഗുഡ് ഗേൾ സിൻഡ്രം ഉള്ളതുകൊണ്ടു തന്നെ വിവാഹമോചനം എന്ന തീരുമാനത്തിലേക്ക് എത്താൻ സമയമെടുത്തു. പതിയെ ആണ് ഞാൻ തിരിച്ചറിയുന്നത്, എനിക്ക് എന്നെ ഇഷ്ടമേ അല്ലായിരുന്നു എന്നത്. ഞാനെപ്പോഴും മറ്റുള്ളവർക്കു വേണ്ടിയാണ് ജീവിച്ചിരുന്നത്. ഞാൻ തന്നെ കണ്ടുപിടിച്ച പാർട്ണർ ആയതുകൊണ്ട് ഇതെങ്ങനെ എങ്കിലും വർക്ക് ചെയ്ത് എടുക്കണമെന്ന് ഞാനെനിക്കു തന്നെ പ്രഷർ കൊടുത്തു കൊണ്ടിരുന്നു. ഡിവോഴ്സായാൽ ഞാൻ എങ്ങനെ പുറത്ത് ഇറങ്ങി നടക്കും. നാട്ടുകാരെല്ലാം മാതാപിതാക്കളോട് ചോദിക്കുമല്ലോ, അവരെ ഇതെല്ലാം സങ്കടപ്പെടുത്തുമല്ലോ എന്നൊക്കെയായിരുന്നു ചിന്ത.”
അന്വേഷണം വാർത്തകൾ വാട്സ്ആപ്പിലൂടെ ലഭിക്കാൻ ക്ലിക്ക് ചെയ്യു,
നിങ്ങൾ അറിയാൻ ആഗ്രഹിക്കുന്ന വാർത്തകൾ നിങ്ങളുടെ Facebook Feed ൽ Anweshanam
നിങ്ങൾ അറിയാൻ ആഗ്രഹിക്കുന്ന വാർത്തകൾ നിങ്ങളുടെ ടെലിഗ്രാമിൽ അന്വേഷണം
അന്വേഷണം വാർത്തകൾ അറിയാൻ Threads– ൽ Join ചെയ്യാം
