അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.കാരന്തൂർ: മർകസ് ഗേൾസ് ഹയർസെക്കന്ററി സ്കൂളിൽ നിന്നും ഈ വർഷം +2 പരീക്ഷയിൽ ഉന്നത വിജയം നേടിയ വിദ്യാർത്ഥികളെ മാനേജ്‌മെന്റും പിടിഎ യും സ്റ്റാഫും ചേർന്ന് അനുമോദിച്ചു. ഹയർ സെക്കന്ററി എഡ്യൂക്കേഷൻ കോഴിക്കോട് റീജ്യണൽ ഡെപ്യൂട്ടി ഡയറക്ടർ സന്തോഷ് കുമാർ സംഗമം ഉദ്ഘാടനം ചെയ്തു. മർകസ് ഡയറക്ടർ ജനറൽ സി മുഹമ്മദ് ഫൈസി മുഖ്യപ്രഭാഷണം നടത്തി. പിടിഎ പ്രസിഡന്റ് വിഎം റശീദ് സഖാഫി അധ്യക്ഷനായിരുന്നു. മർകസ് എഡ്യൂക്കേഷൻ ഡയറക്ടറേറ്റ് അസോസിയേറ്റ് ഡയറക്ടർ ഉനൈസ് മുഹമ്മദ്, പബ്ലിക് റിലേഷൻ ജോയിന്റ് ഡയറക്ടർ ശമീം കെകെ, മുഹ്‌സിൻ അലി കെ, ഫിറോസ് ബാബു കെ എ പ്രസംഗിച്ചു. പ്രിൻസിപ്പൽ എ റശീദ് സ്വാഗതവും സ്റ്റാഫ് സെക്രട്ടറി സ്വാലിഹ് ടിഡി നന്ദിയും പറഞ്ഞു.
