അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.തിരുവനന്തപുരം: സ്മാർട്ട് മീറ്റർ പദ്ധതി രാജ്യത്ത് ഒരിടത്തും നടപ്പാക്കരുതെന്നു സിപിഎം പൊളിറ്റ്ബ്യൂറോ നിലപാടെടുത്തു. പദ്ധതിയുമായി മുന്നോട്ടു പോകാൻ ശ്രമിച്ച കേരളത്തിലെ എൽഡിഎഫ് സർക്കാർ ഇതോടെ വെട്ടിലായി. മോദി സർക്കാർ അവതരിപ്പിക്കുന്ന സ്മാർട് മീറ്റർ പദ്ധതി നടപ്പാക്കാൻ പല സംസ്ഥാനങ്ങളും നിർബന്ധിതായിരിക്കുന്നുവെന്നും അത് അംഗീകരിക്കാൻ കഴിയില്ലെന്നുമുള്ള പരസ്യ നിലപാട് പിബി കൈക്കൊണ്ടു. ‘വൈദ്യുതി വിതരണത്തിൽ നിന്ന് സംസ്ഥാന സർക്കാരുകളെ ഒഴിവാക്കാനും പകരം സ്വകാര്യ കമ്പനികളെ ഏൽപിക്കാനും ലക്ഷ്യമിട്ടുള്ളതാണിത്.
Read More: ബംഗാളിൽ മുന്നേറി തൃണമൂൽ
സ്വകാര്യ കമ്പനികൾക്കു വൻ ലാഭമുണ്ടാക്കാനും സാധാരണക്കാരുടെയും കർഷകരുടെയും ദുരിതം ഇരട്ടിയാക്കാനും ഇതു വഴിവയ്ക്കും. സ്മാർട്ട് മീറ്റർ പദ്ധതി ഉടൻ റദ്ദാക്കണം’– സിപിഎം കേന്ദ്രനേതൃത്വം ആവശ്യപ്പെട്ടു. ജനതാദളിന്റെ (എസ്) വൈദ്യുതി മന്ത്രി കെ.കൃഷ്ണൻകുട്ടിയുടെ നേതൃത്വത്തിൽ സ്മാർട് മീറ്റർ പദ്ധതി നടപ്പാക്കാൻ ശ്രമങ്ങൾ നടക്കുമ്പോഴാണ് അതിന് വിരുദ്ധമായ നയം സിപിഎം വ്യക്തമാക്കിയത്. കേരള നേതൃത്വത്തിന്റെ കൂടി അഭിപ്രായം പരിഗണിച്ച ശേഷം പിബി നയം വ്യക്തമാക്കിയതാകാനാണ് സാധ്യത. പിബി തന്നെ സ്മാർട് മീറ്ററിനെതിരേ തിരിഞ്ഞതോടെ കേരളത്തിൽ നടപ്പാക്കാനുള്ള സാധ്യത കുറഞ്ഞു.
നേരത്തെ എൽഡിഎഫ് യോഗത്തിൽ സ്മാർട് മീറ്റർ നിർദേശം മന്ത്രി കെ.കൃഷ്ണൻകുട്ടി വച്ചപ്പോൾ സിപിഐ എതിർത്തിരുന്നു. എങ്കിലും പദ്ധതിക്കുള്ള ശ്രമം തുടരുന്ന രീതിയാണ് മന്ത്രി സ്വീകരിച്ചത്. കേരളത്തിൽ സ്മാർട് മീറ്റർ സ്ഥാപിക്കുന്നതിനെ വൈദ്യുതി ബോർഡിലെ ഭരണ, പ്രതിപക്ഷ സംഘടനകൾ ഒറ്റക്കെട്ടായി എതിർക്കുകയാണ്. സ്മാർട് മീറ്റർ സ്വകാര്യവൽക്കരണത്തിനു വഴി വയ്ക്കുന്നതാണെന്നും ജീവനക്കാരെ വെട്ടിക്കുറയ്ക്കുന്നതിനു കാരണമാകുമെന്നതിനാൽ തൊഴിലാളി വിരുദ്ധമാണെന്നുമാണ് യൂണിയനുകളുടെ ആക്ഷേപം.
അന്വേഷണം വാർത്തകൾ വാട്സ്ആപ്പിലൂടെ ലഭിക്കാൻ ക്ലിക്ക് ചെയ്യു,
നിങ്ങൾ അറിയാൻ ആഗ്രഹിക്കുന്ന വാർത്തകൾ നിങ്ങളുടെ Facebook Feed ൽ Anweshanam
നിങ്ങൾ അറിയാൻ ആഗ്രഹിക്കുന്ന വാർത്തകൾ നിങ്ങളുടെ ടെലിഗ്രാമിൽ അന്വേഷണം
അന്വേഷണം വാർത്തകൾ അറിയാൻ Threads– ൽ Join ചെയ്യാം
