അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.മഹേഷ് കുഞ്ഞുമോന് ആരോഗ്യം വീണ്ടെടുക്കാൻ ആശംസകൾ അർപ്പിച്ച് ഹാസ്യ താരം ബിനു അടിമാലി. വാഹനാപകടത്തിൽ പരുക്കേറ്റ് ചികിത്സയിൽ കഴിയുന്ന മിമിക്രി താരം മഹേഷ് കുഞ്ഞുമോനൊപ്പമുള്ള ചിത്രം ഫേസ്ബുക്കിൽ ബിനു പങ്കുവെച്ചു. മഹേഷിന് രോഗസൗഖ്യം ആശംസിച്ചുകൊണ്ടാണ് ചിത്രം പോസ്റ്റ് ചെയ്തത്. നടൻ കൊല്ലം സുധിയുടെ മരണത്തിന് ഇടയാക്കിയ വാഹനാപകടത്തിലാണ് മഹേഷിന് ഗുരുതരമായി പരുക്കേൽക്കുന്നത്. ബിനുവിനും അപകടത്തിൽ പരുക്കേറ്റിരുന്നു.
Read More: ജയം രവിയുടെ പുതിയ ചിത്രത്തിൽ നായികയായി കല്യാണി
‘മോനെ നീ എത്രയും പെട്ടെന്ന് സുഖം ആയിട്ട് വരട്ടെ, ഞങ്ങളുടെ എല്ലാവരുടെയും പ്രാര്‍ത്ഥന കൂടെ ഉണ്ടാകും’- എന്ന കുറിപ്പിലാണ് ചിത്രങ്ങൾ പങ്കുവച്ചത്. ബിനുവിനൊപ്പം സുഹൃത്തുക്കളും ഉണ്ടായിരുന്നു. നിരവധി പേരാണ് പോസ്റ്റിന് താഴെ കമന്റുമായി എത്തുന്നത്.
https://www.facebook.com/plugins/post.php?href=https%3A%2F%2Fwww.facebook.com%2Fbinuadimaliactor%2Fposts%2Fpfbid0bC7GkbXtuywPrg2ohLSy8rUZyWXPUYHiW2Cg9cU8fYVzTokgApZktV2yuQ9e8EhDl&show_text=true&width=500
പരിപാടി കഴിഞ്ഞ് തിരിച്ചുവരുന്നതിനിടെ തൃശൂരിൽ വച്ചാണ് ഇവർ സഞ്ചരിച്ച വാഹനം അപ‍കടത്തിൽപ്പെടുന്നത്. കൊല്ലം സുധി സംഭവസ്ഥലത്തുവച്ചുതന്നെ മരിച്ചു. പിൻസീറ്റിൽ ഇരിക്കുകയായിരുന്ന മഹേഷിന് ഗുരുതരമായി പരുക്കേറ്റു. ഒരു മാസത്തോളം നീണ്ട ചികിത്സയ്ക്കുശേഷമാണ് താരം വീട്ടിലേക്ക് തിരിച്ചെത്തിയത്.
അപകടത്തിൽ മഹേഷിന്റെ മുഖത്തും പല്ലിനും ഗുരുതരമായി പരുക്കേറ്റു. മിൻനിരയിലെ അടക്കം പല്ലുകൾ നഷ്ടപ്പെട്ടു. മൂക്കിന് വളവ് വന്നതോടെ ശബ്ദത്തിന് ചെറിയ മാറ്റം സംഭവിച്ചിട്ടുണ്ട്. താടിയെല്ലിനും പല്ലുകൾക്കുമുള്ള ചികിത്സയാണ് ഇപ്പോൾ നടക്കുന്നത്. മൂക്കിന്റെ വളവ് ശരിയാക്കുന്നതോടെ പഴയ രീതിയിലേക്ക് തിരിച്ചെത്താനാവുമെന്ന പ്രതീക്ഷയിലാണ് മഹേഷ്.
അന്വേഷണം വാർത്തകൾ വാട്സ്ആപ്പിലൂടെ ലഭിക്കാൻ ക്ലിക്ക് ചെയ്യു,
നിങ്ങൾ അറിയാൻ ആഗ്രഹിക്കുന്ന വാർത്തകൾ നിങ്ങളുടെ Facebook Feed ൽ Anweshanam
നിങ്ങൾ അറിയാൻ ആഗ്രഹിക്കുന്ന വാർത്തകൾ നിങ്ങളുടെ ടെലിഗ്രാമിൽ അന്വേഷണം
അന്വേഷണം വാർത്തകൾ അറിയാൻ Threads– ൽ Join ചെയ്യാം
