അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.ബോളിവുഡ് താരം വരുണ്‍ ധവാൻ നായകനാകുന്ന പുതിയ ചിത്രം ‘ബവാല്‍’ നടന്റെ ആരാധകര്‍ ആകാംക്ഷയോടെ കാത്തിരിക്കുന്ന ഒന്നാണ്. ജാൻവി കപൂർ നായികയായി എത്തുന്ന ഈ ചിത്രത്തിൻറെ അപ്ഡേറ്റ് പ്രഖ്യാപിച്ചിരിക്കുകയാണ് ഇപ്പോള്‍. നാളെ 12 മണിക്ക് ബവാലിന്റെ ടീസര്‍ പുറത്തുവിടും. ആമസോണ്‍ പ്രൈം വീഡിയോയിലായിരിക്കും റിലീസ്. ജൂലൈയില്‍ ആയിരിക്കും വരുണ്‍ ധവാൻ ചിത്രത്തിന്റെ റിലീസ് എന്നുമാണ് റിപ്പോര്‍ട്ട്. നിതീഷ് തിവാരി ആണ് ചിത്രം സംവിധാനം ചെയ്യുന്നത്. ‘ബവാല്‍’ എന്ന ചിത്രത്തിന്റെ പുതിയ ഫോട്ടോയും പുറത്തുവന്നത് ശ്രദ്ധയാകര്‍ഷിക്കുകയാണ്.
Read More: ‘ലിയോ’യിൽ അനുരാഗ് കശ്യപും ഉണ്ടാകുമെന്ന് സൂചന
വരുണ്‍ ധവാന്റേതായി ‘ഭേഡിയ’ എന്ന ചിത്രമാണ് ഏറ്റവും ഒടുവില്‍ പ്രദര്‍ശനത്തിന് എത്തിയത്. അമര്‍ കൗശിക് സംവിധാനം ചെയ്‍ത ചിത്രത്തില്‍ ‘ഭാസ്‍കര്‍’ ആയിട്ടായിരുന്നു വരുണ്‍ ധവാൻ വേഷമിട്ടത്. സച്ചിൻ- ജിഗാര്‍ സംഗീത സംവിധാനം നിര്‍വഹിച്ചിരിക്കുന്ന ചിത്രം ഹിന്ദി, തമിഴ്, തെലുങ്ക് ഭാഷകളിലായാണ് തിയറ്ററുകളില്‍ പ്രദര്‍ശനത്തിന് എത്തിയത്. ദിനേശ് വിജൻ ജിയോ സ്റ്റുഡിയോസുമായി ചേര്‍ന്നാണ് വരുണ്‍ ധവാൻ നായകനായി എത്തിയ ‘ഭേഡിയ’ നിര്‍മിച്ചിരിക്കുന്നത്.
ഹൊറര്‍- കോമഡി യുണിവേഴ്‍സില്‍ ദിനേശ് വിജന്റെ മൂന്നാം ചിത്രമായ ‘ഭേഡിയ’ ജിയോ സ്റ്റുഡിയോസാണ് വിതരണം ചെയ്‍തിരിക്കുന്നത്. 2018ലെ ‘സ്‍ത്രീ’, 2021ലെ ‘രൂഹി’ എന്നിവയുടെ ഭാഗമാണ് ഇത്. ജിഷ്‍ണു ഭട്ടചാര്‍ജിയാണ് ചിത്രത്തിന്റെ ഛായാഗ്രാഹണം. ദീപക് ദൊബ്രിയാല്‍, അഭിഷേക് ബാനര്‍ജി എന്നിവരും ‘ഭേഡിയ’യില്‍ പ്രധാന വേഷങ്ങളില്‍ ഉണ്ടായിരുന്നു. വൻ പ്രതികരണം നേടാനായില്ലെങ്കിലും വരുണ്‍ ചിത്രം മോശമല്ലാത്ത വിജയം നേടിയിരുന്നു. വരുണ്‍ ധവാൻ നായകനായി പ്രദര്‍ശനത്തിനെത്തിയ ചിത്രം 89.97 കോടി രൂപയാണ് കളക്റ്റ് ചെയ്‍തത്. അക്കാലത്ത് ബോളിവുഡ് ചിത്രങ്ങള്‍ വൻ പരാജയം നേരിട്ടിരുന്നപ്പോഴായിരുന്നു ‘ഭേഡിയ’യ്‍ക്ക് ഇത്രയും കളക്ഷൻ.
അന്വേഷണം വാർത്തകൾ വാട്സ്ആപ്പിലൂടെ ലഭിക്കാൻ ക്ലിക്ക് ചെയ്യു,
നിങ്ങൾ അറിയാൻ ആഗ്രഹിക്കുന്ന വാർത്തകൾ നിങ്ങളുടെ Facebook Feed ൽ Anweshanam
നിങ്ങൾ അറിയാൻ ആഗ്രഹിക്കുന്ന വാർത്തകൾ നിങ്ങളുടെ ടെലിഗ്രാമിൽ അന്വേഷണം
