അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.ബെംഗളൂരു: ദിനംപ്രതി സാധനങ്ങളുടെ വില കുത്തനെ ഉയരുന്നതിനിടെ പാലിന്റെ വില കൂട്ടുന്നതിനെ കുറിച്ച് വ്യക്തമാക്കികൊണ്ട് കർണാടക സർക്കാർ രംഗത്ത് എത്തിയിരിക്കുകയാണ്. നന്ദിനി പാലിന്റെ വില ലിറ്ററിന് അഞ്ച് രൂപയായി വര്‍ധിപ്പിക്കുമെന്ന് കര്‍ണാടക മില്‍ക്ക് ഫെഡറേഷന്‍ അറിയിക്കുകയുണ്ടായി. പാല്‍ യൂണിയനുകളുടെ ആവശ്യപ്രകാരമാണ് വര്‍ധനവ് എന്നാണ് വിശദീകരണം നൽകിയിരിക്കുന്നത്. കെഎംഎഫിന്റെ പുതിയ ചെയര്‍മാനായി തെരഞ്ഞെടുത്ത ഭീമാ നായിക്കിന്റേതാണ് പുതിയ പ്രഖ്യാപനം.
വര്‍ധനവ് വരുത്തണമെന്ന് ആവശ്യപ്പെട്ട് സര്‍ക്കാരിന് പ്രൊപ്പോസല്‍ നൽകിയതായി അദ്ദേഹം വ്യക്തമാക്കി.
‘സംസ്ഥാനത്ത് ലിറ്ററിന് അഞ്ച് രൂപയായി പാലിന്റെ വില വര്‍ധിപ്പിക്കണമെന്ന് സര്‍ക്കാരിനോട് അഭ്യത്ഥിച്ചിട്ടുണ്ട്. മുഖ്യമന്ത്രി സിദ്ധരാമയ്യ ഇക്കാര്യം ചര്‍ച്ച ചെയ്തതിന് ശേഷമാകും അന്തിമ തീരുമാനം’- ഭീമാ നായിക് പറഞ്ഞു.
ഉയര്‍ന്ന സംഭരണ വില കാരണം പാലിന്റെ വില ലീറ്ററിന് 5 രൂപ വര്‍ധിപ്പിക്കണമെന്ന് ഈ മാസം ആദ്യം കെഎംഎഫ് മുഖ്യമന്ത്രിയോട് ആവശ്യമുന്നയിച്ചിരുന്നു. സംസ്ഥാനത്തെ 15 പാല്‍ യൂണിയനുകളും പ്രതിദിനം 15 ലക്ഷം രൂപയുടെ നഷ്ടം നേരിടുന്നതായി കെഎംഎഫ് വ്യക്തമാക്കിയിരുന്നു.
പാല്‍ ഉല്‍പാദനത്തിലും അതിന്റെ വിലയിലും സര്‍ക്കാര്‍ ശ്രദ്ധ ചെലുത്തുമെന്ന് സഹകരണ മന്ത്രി കെ എന്‍ രാജണ്ണ പറഞ്ഞു. കര്‍ഷകര്‍ക്ക് ഇപ്പോള്‍ കാര്യമായ ലാഭം ലഭിക്കുന്നില്ല. കര്‍ഷകരുടെ ക്ഷേമത്തിനായി കെഎംഎഫ് നടപടികള്‍ സ്വീകരിക്കും. അടുത്ത ദിവസങ്ങളില്‍ മുഖ്യമന്ത്രിയുമായി കൂടിക്കാഴ്ച നടത്തും. കര്‍ഷകരില്‍ നിന്ന് പാല്‍ വാങ്ങുന്ന വില വര്‍ധിപ്പിക്കണം-രാജണ്ണ പറഞ്ഞു
കേരളത്തിൽ വിവിധയിടങ്ങളിലും നന്ദിനി പാലിന്റെ ഔട്ട്‌ലറ്റുകള്‍ തുറന്നിരുന്നു. കര്‍ണാടകയില്‍ 500 മില്ലിലീറ്റര്‍ നന്ദിനി പാലിന് 21 രൂപയാണു വില. കേരളത്തില്‍ 29 രൂപയുമാണ്. കേരളത്തിൽ നന്ദിനി കൂടുതല്‍ ഔട്ട്‌ലറ്റുകള്‍ തുറക്കുന്നതിനെ എതിർത്ത് മില്‍മ രംഗത്തുവന്നിരുന്നു. എന്നാല്‍ 25 ഔട്ട്‌ലറ്റുകള്‍ കൂടി തുറക്കാനാണ് കര്‍ണാടകയുടെ തീരുമാനം.
അന്വേഷണം വാർത്തകൾ വാട്സ്ആപ്പിലൂടെ ലഭിക്കാൻ ക്ലിക്ക് ചെയ്യു,
നിങ്ങൾ അറിയാൻ ആഗ്രഹിക്കുന്ന വാർത്തകൾ നിങ്ങളുടെ Facebook Feed ൽ Anweshanam
നിങ്ങൾ അറിയാൻ ആഗ്രഹിക്കുന്ന വാർത്തകൾ നിങ്ങളുടെ ടെലിഗ്രാമിൽ അന്വേഷണം
