അന്വേഷണം വാർത്തകൾ ലഭിക്കാന് വാട്സാപ്പ് ചാനലില് ചേരൂ.
അന്താരാഷ്ട്ര യോഗ ദിനാഘോഷത്തിന്റെ ഭാഗമായി യുഎന്നില് ജനങ്ങളെ അഭിസംബോധന ചെയ്ത് പ്രധാനമന്ത്രി നരേന്ദ്ര മോദി. യുഎൻ ആസ്ഥാനത്തെ ആഘോഷത്തിൽ പങ്കെടുക്കാനെത്തിയ വലിയ ജനക്കൂട്ടത്തിനു മോദി നന്ദി പറഞ്ഞു. യോഗ ഇന്ത്യയില് നിന്നാണ് വരുന്നതെന്നും എന്നാല് പകര്പ്പവകാശങ്ങളില്ലെന്നും മോദി പറഞ്ഞു.
180ൽ അധികം രാജ്യങ്ങളിൽനിന്നുള്ള പ്രതിനിധികളാണ് നരേന്ദ്ര മോദിയോടൊപ്പം യോഗ ദിനാചരണത്തിൽ പങ്കെടുക്കുന്നത്. ‘‘ഇന്ത്യയുടെ ആഹ്വാനത്തില് 180 ലധികം രാജ്യങ്ങള് ഒത്തുചേരുന്നത് ചരിത്രപരവും മുൻപെങ്ങും ഉണ്ടാകാത്തതുമാണ്’’ എന്ന് പ്രധാനമന്ത്രി രാജ്യാന്തര യോഗാദിന സന്ദേശത്തിൽ പറഞ്ഞിരുന്നു. ഒമ്പതു വർഷം മുൻപ് ഇതേ വേദിയിൽ വച്ചാണ് അന്താരാഷ്ട്ര യോഗ ദിനം എന്ന ആശയം താൻ മുന്നോട്ടു വച്ചതെന്നും അദ്ദേഹം അനുസ്മരിച്ചു.
‘യോഗ വളരെ പഴയ പാരമ്പര്യമാണ്, എന്നാല് എല്ലാ പുരാതന ഇന്ത്യന് പാരമ്പര്യങ്ങളെയും പോലെ ഇത് സജീവവും ചലനാത്മകവുമാണ്. പേറ്റന്റുകളില് നിന്നും റോയല്റ്റി പേയ്മെന്റുകളില് നിന്നും യോഗ മുക്തമാണ്. പ്രായം, ലിംഗഭേദം, ഫിറ്റ്നസ് ലെവലുകള് എന്നിവയുമായി യോഗ വേഗം പൊരുത്തപ്പെടുന്നു. വ്യത്യസ്ത വംശങ്ങള്, വിശ്വാസങ്ങള്, സംസ്കാരങ്ങള് അങ്ങനെ എല്ലാവര്ക്കും വേണ്ടിയുള്ളതാണ് യോഗ. ഇത് സാര്വത്രികമാണെന്നും മോദി പറഞ്ഞു. യുഎൻ സെക്രട്ടേറിയറ്റിൽ യോഗ സെഷൻ നയിക്കാനാണ് പ്രധാനമന്ത്രി എത്തിയത്.
Read more: നീതി ലഭിക്കുന്നില്ല; തിരുവല്ല കുടുംബ കോടതി ജഡ്ജിയുടെ കാർ അടിച്ചു തകർത്തു
പ്രസംഗത്തിന് ശേഷം പ്രധാനമന്ത്രി മോദി ജനങ്ങള്ക്കൊപ്പം യോഗ ചെയ്യാനായി ഇരുന്നു. പ്രശസ്ത നടന് റിച്ചാര്ഡ് ഗാരി മോദിയുടെ അരികില് ഇരിക്കുകയായിരുന്നു. ഓം ജപിച്ച ശേഷമായിരുന്നു യോഗ ആരംഭിച്ചത്. 180 രാജ്യങ്ങളുടെ പ്രതിനിധികള്ക്കൊപ്പമാണ് അദ്ദേഹം യോഗ ചെയ്തത്. യുഎന് ആസ്ഥാനത്ത് എത്തിയ മോദിക്ക് ഊഷ്മളമായ സ്വീകരണമാണ് ലഭിച്ചത്. ‘ഇന്ന് വളരെ സവിശേഷമായ ദിവസമാണ്, കാരണം ആളുകള് ഇവിടെ പ്രധാനമന്ത്രി മോദിക്കൊപ്പം യോഗ ചെയ്യും. മോദിയുടെ നേതൃത്വത്തിലാണ് ജൂണ് 21 അന്താരാഷ്ട്ര യോഗ ദിനമായി പ്രഖ്യാപിച്ചത്’, യുഎന്നിലെ ഇന്ത്യന് അംബാസഡര് രുചിര കാംബോജ് പറഞ്ഞു.
പ്രധാനമന്ത്രിയുടെ അമേരിക്കന് സന്ദര്ശനത്തിന്റെ രണ്ടാം ദിവസമാണിത്. ചൊവ്വാഴ്ച ന്യൂയോര്ക്കിലെത്തിയ അദ്ദേഹത്തെ യുഎസിലെ ഇന്ത്യന് അംബാസഡര് തരണ്ജിത് സിംഗ് സന്ധു, യുഎന്നിലെ ഇന്ത്യയുടെ സ്ഥിരം പ്രതിനിധി രുചിര കാംബോജ് എന്നിവര് ചേര്ന്നാണ് സ്വീകരിച്ചത്. ഐക്യരാഷ്ട്രസഭ ആസ്ഥാനത്തെ അന്താരാഷ്ട്ര യോഗ ദിനാചരണത്തിന് നേതൃത്വം നല്കിയ ശേഷം അദ്ദേഹം വാഷിംഗ്ടണ് ഡിസിയിലേക്ക് പുറപ്പെടും. അവിടെ പ്രസിഡന്റ് ബൈഡനും പ്രഥമ വനിത ജില് ബൈഡനും ഒപ്പം അത്താഴവിരുന്നില് പങ്കെടുക്കും.
അന്വേഷണം വാർത്തകൾ വാട്സ്ആപ്പിലൂടെ ലഭിക്കാൻ ക്ലിക്ക് ചെയ്യു,
നിങ്ങൾ അറിയാൻ ആഗ്രഹിക്കുന്ന വാർത്തകൾ നിങ്ങളുടെ Facebook Feed ൽ Anweshanam
നിങ്ങൾ അറിയാൻ ആഗ്രഹിക്കുന്ന വാർത്തകൾ നിങ്ങളുടെ ടെലിഗ്രാമിൽ അന്വേഷണം
