ഗ​ര്‍​ഭഛി​ദ്രം വേ​ണ​മെ​ന്ന് ബലാത്സംഗത്തെ അതിജീവിച്ച പ്രാ​യ​പൂ​ർ​ത്തി​യാ​കാ​ത്ത പെണ്‍കുട്ടി; മ​നു​സ്മൃ​തി വാ​യി​ക്കാ​ൻ ആ​വ​ശ്യ​പ്പെ​ട്ട് ഗു​ജ​റാ​ത്ത് ഹൈ​ക്കോ​ട​തി

അ​ഹ​മ്മ​ദാ​ബാ​ദ്: ഗ​ര്‍​ഭഛി​ദ്രം ആ​വ​ശ്യ​പ്പെ​ട്ടെ​ത്തി​യ ബലാത്സംഗത്തെ അതിജീവിച്ച, പ്രാ​യ​പൂ​ർ​ത്തി​യാ​കാ​ത്ത അ​തി​ജീ​വി​ത​യോ​ട് മ​നു​സ്മൃ​തി വാ​യി​ക്കാ​ൻ ആ​വ​ശ്യ​പ്പെ​ട്ട് ഗു​ജ​റാ​ത്ത് ഹൈ​ക്കോ​ട​തി. പെണ്‍കുട്ടികള്‍ 14-15 വയസ്സില്‍ വിവാഹം കഴിക്കുന്നതും 17 വയസ്സിനുള്ളില്‍ കുഞ്ഞിന് ജന്മം നല്‍കുന്നതും പണ്ട് സാധാരണമായിരുന്നുവെന്ന് വാക്കാല്‍ ഹൈ​ക്കോ​ട​തി പരാമര്‍ശം നടത്തി.

  
ലൈം​ഗി​ക പീ​ഡ​ന​ത്തെ തു​ട​ർ‌​ന്ന് ഗ​ർ​ഭി​ണി​യാ​യ 17 വ​യ​സു​കാ​രി​യാ​ണ് ഗ​ര്‍​ഭഛി​ദ്രം ആ​വ​ശ്യ​പ്പെ​ട്ട് കോ​ട​തി​യെ സ​മീ​പി​ച്ച​ത്. പെ​ൺ​കു​ട്ടി ഏ​ഴു​മാ​സം ഗ​ർ​ഭി​ണി​യാ​ണ്. പെ​ൺ​കു​ട്ടി​യു​ടെ പ്രാ​യം ക​ണ​ക്കി​ലെ​ടു​ത്ത് ഗ​ർ​ഭഛി​ദ്രം അ​നു​വ​ദി​ക്ക​ണ​മെ​ന്ന ഹ​ർ​ജി​യി​ൽ ജ​സ്റ്റീ​സ് സ​മീ​ർ ജെ. ​ദ​വെ​യാ​ണ് വി​വാ​ദ പ​രാ​മ​ർ​ശം ന​ട​ത്തി​യ​ത്.

ഏ​ഴു മാ​സം ക​ഴി​ഞ്ഞ​പ്പോ​ഴാ​ണ് പെ​ൺ​കു​ട്ടി ഗ​ർ​ഭി​ണി​യാ​ണെ​ന്ന വി​വ​രം പി​താ​വ് അ​റി​യു​ന്ന​ത്. ഇ​തോ​ടെ പി​താ​വ് ഗ​ർ​ഭഛി​ദ്രം ആ​വ​ശ്യ​പ്പെ​ട്ട് കോ​ട​തി​യെ സ​മീ​പി​ക്കു​ക​യാ​യി​രു​ന്നു. പെ​ൺ​കു​ട്ടി​യു​ടെ അ​ഭി​ഭാ​ഷ​ക​ൻ ഗ​ർ​ഭഛി​ദ്ര ആ​വ​ശ്യം ഉ​ന്ന​യി​ച്ച​പ്പോ​ഴാ​യി​രു​ന്നു ജ​സ്റ്റീ​സ് സ​മീ​ർ ജെ. ​ദ​വെ മ​നു​സ്മൃ​തി വാ​യി​ക്കാ​ൻ വാ​ക്കാ​ൽ പ​രാ​മ​ർ​ശി​ച്ച​ത്.

Read more: മാവേലിക്കരയില്‍ നാല് വയസുകാരിയെ കൊലപ്പെടുത്തിയ സംഭവം; പിതാവ് ജയിലിൽ ആത്മഹത്യക്ക് ശ്രമിച്ചു

“നമ്മള്‍ 21-ാം നൂറ്റാണ്ടില്‍ ജീവിക്കുന്നതുകൊണ്ടാണ്. നിങ്ങളുടെ അമ്മയോടോ മുത്തശ്ശിയോടോ ചോദിക്കൂ. 14-15 വയസ്സായിരുന്നു (വിവാഹം കഴിക്കാനുള്ള) പരമാവധി പ്രായം. 17 വയസ്സിന് മുമ്പായി കുട്ടി ജനിക്കും. ആൺകുട്ടികൾക്ക് മുമ്പ് പെൺകുട്ടികൾ പക്വത പ്രാപിക്കുന്നു. ഇതറിയാന്‍ ഒരിക്കലെങ്കിലും മനുസ്മൃതി വായിക്കുക”.- ജ​സ്റ്റീ​സ് സ​മീ​ർ ജെ. ​ദ​വെ പ​റ​ഞ്ഞു.

“അമ്മയ്‌ക്കോ ഭ്രൂണത്തിനോ എന്തെങ്കിലും ഗുരുതരമായ അസുഖമുണ്ടെങ്കിൽ, കോടതി തീർച്ചയായും പരിഗണിക്കാം. എല്ലാം നോര്‍മലാണെങ്കില്‍ കോടതിക്ക് ഒരു ഉത്തരവ് പുറപ്പെടുവിക്കുന്നത് വളരെ ബുദ്ധിമുട്ടാണ്”- ജഡ്ജി പറഞ്ഞു. അബോര്‍ഷനിടെ കുഞ്ഞ് ജീവനോടെ ജനിക്കാനുള്ള സാധ്യതയെക്കുറിച്ചും ബെഞ്ച് ആശങ്ക പ്രകടിപ്പിച്ചു. ദത്തുനല്‍കല്‍ എന്ന സാധ്യത അന്വേഷിക്കാൻ അഭിഭാഷകനോട് കോടതി നിർദേശിച്ചു.

പെ​ൺ​കു​ട്ടി​യെ വൈ​ദ്യ​പ​രി​ശോ​ധ​ന ന​ട​ത്താ​ൻ കോ​ട​തി ഉ​ത്ത​ര​വി​ട്ടു. അ​ടി​യ​ന്ത​ര​മാ​യി ഡോ​ക്ട​ർ​മാ​രു​ടെ പാ​ന​ൽ രൂ​പീ​ക​രി​ച്ച് പെ​ൺ​കു​ട്ടി​യെ വൈ​ദ്യ​പ​രി​ശോ​ധ​ന ന​ട​ത്താ​ൻ രാ​ജ്‌​കോ​ട്ടി​ലെ ജി​ല്ലാ ആ​ശു​പ​ത്രി മെ​ഡി​ക്ക​ൽ സൂ​പ്ര​ണ്ടി​നോ​ട് കോ​ട​തി നി​ർ​ദ്ദേ​ശി​ച്ചു. മെ​ഡി​ക്ക​ൽ ബോ​ർ​ഡ് റി​പ്പോ​ർ​ട്ട് ന​ൽ​കി​യ ശേ​ഷ​മേ ഹ​ർ​ജി​യി​ൽ കോ​ട​തി തീ​രു​മാ​ന​മെ​ടു​ക്കൂ. കേ​സി​ൽ അ​ടു​ത്ത വാ​ദം കേ​ൾ​ക്കു​ന്ന​ത് ജൂ​ൺ 15 ലേ​ക്ക് മാ​റ്റി.

അന്വേഷണം വാർത്തകൾ വാട്സ്ആപ്പിലൂടെ ലഭിക്കാൻ ക്ലിക്ക് ചെയ്യു, 

നിങ്ങൾ അറിയാൻ ആഗ്രഹിക്കുന്ന വാർത്തകൾ നിങ്ങളുടെ Facebook Feed ൽ Anweshanam

നിങ്ങൾ അറിയാൻ ആഗ്രഹിക്കുന്ന വാർത്തകൾ നിങ്ങളുടെ ടെലിഗ്രാമിൽ അന്വേഷണം