അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.
തെലുങ്ക് താരങ്ങളായ വരുൺ തേജും നടി ലാവണ്യ ത്രിപാഠിയും വിവാഹിതരാവുന്നു. ജൂൺ 9നാണ് വരുണിന്റെയും ലാവണ്യയുടെയും വിവാഹ നിശ്ചയം. തെലുങ്ക് സിനിമാലോകത്തെ നിർമാതാവും നടനുമായ നാഗേന്ദ്ര ബാബുവിന്റെ മകനായ വരുൺ തേജ് ചിരഞ്ജീവിയുടെ സഹോദര പുത്രൻ കൂടിയാണ്.
2017ൽ മിസ്റ്റർ എന്ന സിനിമയുടെ സെറ്റിൽ വച്ചാണ് ഇരുവരും ആദ്യമായി കാണുന്നതും സുഹൃത്തുക്കളാകുന്നതും. ഇരുവരും കുറച്ചുകാലമായി പ്രണയത്തിലായിരുന്നുവെന്ന് അഭ്യൂഹങ്ങളുണ്ടായിരുന്നു. എന്നാൽ ഇരുവരും ഈ വാർത്തയോട് പ്രതികരിച്ചിട്ടില്ല.
വരുൺ തേജിന്റെ വീട്ടിൽ വെച്ച് അടുത്ത സുഹൃത്തുക്കളുടെയും ബന്ധുക്കളുടെയും സാന്നിധ്യത്തിലായിരിക്കും വിവാഹ നിശ്ചയം നടക്കുക. വരുൺ തേജിന്റെ പിതാവ് നാഗ ബാബു തന്റെ മകൻ ഈ വർഷം തന്നെ വിവാഹിതനാകുമെന്ന് കുറച്ച് മാസങ്ങൾക്ക് മുമ്പ് പറഞ്ഞിരുന്നു. ബുഡാപെസ്റ്റിലെയും ഇറ്റലിയിലെയും അവധിക്കാല ചിത്രങ്ങൾ വരുൺ തേജ് സോഷ്യൽ മീഡിയയിൽ അപ്‌ലോഡ് ചെയ്തിരുന്നു. ഇതിന് പിന്നാലെ ലാവണ്യക്കൊപ്പമാണോ യാത്രയെന്നും ഇരുവരും പ്രണയിത്തിലാണോ എന്നുമടക്കം നിരവധി ചോദ്യങ്ങളുമായി ആരാധകർ രംഗത്തു വന്നിരുന്നു.
Read more: മാവേലിക്കരയില്‍ നാല് വയസുകാരിയെ കൊലപ്പെടുത്തിയ സംഭവം; പിതാവ് ജയിലിൽ ആത്മഹത്യക്ക് ശ്രമിച്ചു
ഗാന്ധീവധാരി അർജുന ആണ് വരുണിന്റെ പുതിയ ചിത്രം. ചിത്രത്തിന്റെ പേരും ഫസ്റ്റ് ലുക്കും അടുത്തിടെ വരുൺ ട്വിറ്ററിൽ ഷെയർ ചെയ്തിരുന്നു. ഇതുകൂടാതെ, ഹിന്ദിയിലും തെലുങ്കിലും പുറത്തിറങ്ങുന്ന VT13 എന്ന ചിത്രത്തിൽ വരുൺ തേജ് ഒരു യുദ്ധവിമാന പൈലറ്റായും അഭിനയിക്കുന്നുണ്ട്. നവാഗതനായ ശക്തി പ്രതാപ് സിംഗ് ഹദയാണ് ചിത്രം സംവിധാനം ചെയ്യുന്നത്. ലാവണ്യ ത്രിപാഠി അടുത്തതായി അഭിനയിക്കുന്നത് തണൽ എന്ന തമിഴ് ചിത്രത്തിലാണ്.
ബാലതാരമായി സിനിമയിലെത്തിയ വരുൺ ‘മുകുന്ദ’ എന്ന ചിത്രത്തിലൂടെയാണ് നായകനായി അരങ്ങേറ്റം കുറിച്ചത്. ‘കാഞ്ചി’, ‘ഫിദ’ എന്നീ വിജയചിത്രങ്ങളാണ് വരുണിനെ തെന്നിന്ത്യൻ സിനിമാലോകത്ത് ശ്രദ്ധേയനാക്കിയത്. ‘ഗെഡലകൊണ്ട ഗണേഷ്’ ആണ് ഒടുവിൽ റിലീസിനെത്തിയ വരുൺ തേജ് ചിത്രം.
ഹിന്ദി ടെലിവിഷൻ ഷോയായ പ്യാർ കാ ബന്ധനിലൂടെ അഭിനയരംഗത്ത് അരങ്ങേറ്റം കുറിച്ച നടിയാണ് ലാവണ്യ ത്രിപാഠി. 2012ൽ ആണ്ടാല രാക്ഷസി എന്ന ചിത്രത്തിലൂടെയാണ് സിനിമാരംഗത്ത് അരങ്ങേറ്റം കുറിച്ചത്. ഭലേ ഭലേ മഗഡിവോയിലേയും സോഗ്ഗഡേ ചിന്നി നയനയിലെയും പ്രകടനത്തിലൂടെ ത്രിപാഠി പ്രേക്ഷക പ്രശംസ പിടിച്ചുപറ്റിയത്.
അന്വേഷണം വാർത്തകൾ വാട്സ്ആപ്പിലൂടെ ലഭിക്കാൻ ക്ലിക്ക് ചെയ്യു,
നിങ്ങൾ അറിയാൻ ആഗ്രഹിക്കുന്ന വാർത്തകൾ നിങ്ങളുടെ Facebook Feed ൽ Anweshanam
നിങ്ങൾ അറിയാൻ ആഗ്രഹിക്കുന്ന വാർത്തകൾ നിങ്ങളുടെ ടെലിഗ്രാമിൽ അന്വേഷണം
