അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.കൊച്ചി: വ്യക്തികളുടെ ബാങ്ക് അക്കൗണ്ടുകൾ അന്യായമായി മരവിപ്പിക്കുന്ന സംഭവത്തിൽ ഹൈക്കോടതി ഇടപെടൽ. എന്താണ് സംഭവിക്കുന്നതെന്ന് പരിശോധിച്ച് റിപ്പോർട്ട് സമർപ്പിക്കാൻ സംസ്ഥാന പൊലീസ് മേധാവിക്ക് ഹൈക്കോടതി നിർദേശം നൽകി. അക്കൗണ്ടുകൾ മരവിപ്പിച്ചാല്‍ ആളുകൾ എങ്ങനെ ജീവിക്കുമെന്ന് ഹൈക്കോടതി ചോദിച്ചു.
സിആർപിസി 102 പ്രകാരമല്ലാതെ എങ്ങനെ ബാങ്ക് അക്കൗണ്ടുകൾ ഫ്രീസ് ചെയ്യുന്നുവെന്നായിരുന്നു കോടതിയുടെ ചോദ്യം. ജസ്റ്റിസ് വിജു എബ്രഹാമാണ് കേസ് പരിഗണിച്ചത്. അക്കൗണ്ടുകൾ മരവിക്കപ്പെട്ട ആറ് പേർ നൽകിയ ഹർജിയാണ് പരിഗണിച്ചത്.
