അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.
കരിപ്പൂർ വിമാനത്താവളത്തിൽ ഇന്ന് മുതൽ വിമാന സർവീസുകൾക്ക് നിയന്ത്രണം.റീകാർപറ്റിങ്ങിനായി ആറ് മാസത്തേക്കാണ് റൺവേ പകൽ സമയങ്ങളിൽ അടച്ചിടുക. നിലവിൽ ഓരോ ആഭ്യന്തര, അന്താരാഷ്ട്ര സർവീസുകൾ മാത്രമാണ് ഈ സമയത്തുളളത്. ആഴ്ചയിൽ ആറ് ദിവസമുളള എയർ ഇന്ത്യ ഡൽഹി സർവീസിന്‍റെ സമയം മാറ്റി. പുതിയ സമയക്രമമനുസരിച്ചാണ് ഡൽഹിയിലേക്കുള്ള സർവീസ്. ശനി, തിങ്കൾ, ബുധൻ ദിവസങ്ങളിൽ രാവിലെ 9.30നും വെളളി, ഞായർ, ചൊവ്വ ദിവസങ്ങളിൽ രാവിലെ 8.55നുമാണ് വിമാനം പുറപ്പെടുന്നത്.
സലാലയിലേക്കുള്ള സലാം എയറിന്‍റെ സർവീസ് സമയം മാറ്റി. ജനുവരി 17 മുതൽ 8.55ന് വിമാനം കരിപ്പൂരിൽ നിന്ന് പുറപ്പെടും. ചൊവ്വ, ശനി ദിവസങ്ങളിലാണ് സർവീസ്. റൺവേ റീ കാർപറ്റിങ്ങിനൊപ്പം റൺവേയിൽ സെന്റർ ലൈൻ ലൈറ്റിംഗ് സംവിധാനവും പുതുതായി സ്ഥാപിക്കും.
