‘പോ​ലീ​സ് സേ​ന​യി​ൽ ക്രി​മി​ന​ലു​ക​ൾ വേ​ണ്ട; ചിലർ വൈകൃതങ്ങൾ കാണിക്കുന്നു’: മുഖ്യമന്ത്രി

തി​രു​വ​ന​ന്ത​പു​രം: പോ​ലീ​സ് സേ​ന​യി​ൽ ക്രി​മി​ന​ലു​ക​ൾ വേ​ണ്ടെ​ന്ന് പ്ര​ഖ്യാ​പി​ച്ച് മു​ഖ്യ​മ​ന്ത്രി പി​ണ​റാ​യി വി​ജ​യ​ൻ. സേ​ന​യി​ലെ ചി​ല​ർ ചി​ല വൈ​കൃ​ത​ങ്ങ​ൾ കാ​ണി​ക്കു​ന്നു​വെ​ന്നും അ​വ​രോ​ടു​ള്ള സ​മീ​പ​ന​ത്തി​ൽ ആ​ശ​യ​ക്കു​ഴ​പ്പ​മി​ല്ലെ​ന്നും മു​ഖ്യ​മ​ന്ത്രി വ്യ​ക്ത​മാ​ക്കി. പോ​ലീ​സ് പെ​ൻ​ഷ​നേ​ഴ്സ് അ​സോ​സി​യേ​ഷ​ൻ സം​സ്ഥാ​ന സ​മ്മേ​ള​ന​ത്തി​ൽ പ്ര​സം​ഗി​ക്ക​വേ​യാ​ണ് മു​ഖ്യ​മ​ന്ത്രി ഈ ​പ്ര​സ്താ​വ​ന​ക​ൾ ന​ട​ത്തി​യ​ത്.

ക്രി​മി​ന​ലു​ക​ളെ നേ​രി​ടാ​നാ​ണ് പോ​ലീ​സ് സേ​ന​യെ​ന്ന് വ്യ​ക്ത​മാ​ക്കി​യ മു​ഖ്യ​മ​ന്ത്രി, ലോ​ക്ക​പ്പ് മ​ർ​ദ​ന​ങ്ങ​ൾ പോ​ലീ​സ് അ​ന്വേ​ഷി​ക്കേ​ണ്ടെ​ന്നും അ​ത് സി​ബി​ഐ അ​ന്വേ​ഷി​ക്ക​ണ​മെ​ന്നും പ​റ​ഞ്ഞു.

 
നിലവിൽ കേരള പൊലിസ് ലോകത്തേറ്റവും അഭിമാനിക്കാൻ കഴിയുന്ന വിധം മാറി.എം ടെക് ബിരുദധാരികൾ ഉൾപ്പെടെ നിരവധി പ്രൊഫഷണലുകൾ ഇന്ന് സേനയിൽചേരുന്നു എന്നും മുഖ്യമന്ത്രി പറഞ്ഞു. ക്രമസമാധാന നില സംരക്ഷിക്കുന്നതിൽ കേരള പൊലിസ് മാതൃകാപരമാണ്. മുമ്പ് പ്രായം കൂടിയവരോട് പോലും നിന്ദ്യമായിട്ടാണ് പൊലിസ് പെരുമാറിയിരുന്നത്. അന്നൊക്കെ പൊലിസ് സ്റ്റേഷൻ ഭയപ്പെടേണ്ട സ്ഥലമായിരുന്നു.

 
പൊലീസിനെ പലപ്പോഴും പ്രകോപിപ്പിച്ച് ഇടപെടുത്താൻ ശ്രമിക്കുന്നുണ്ട്. എന്നാൽ ആ സാഹചര്യങ്ങളിൽ പൊലീസ് അനിതരസാധാരണമായ സംയമനം കാണിക്കുന്നു.സമൂഹത്തിൻ്റെ ആവശ്യം തിരിച്ചറിഞ്ഞ് കൊണ്ടാണ് അതെന്നും മുഖ്യമന്ത്രി ചൂണ്ടിക്കാട്ടി.സൈബർ കുറ്റങ്ങൾ പെരുകുന്ന സാഹചര്യത്തിൽ പൊലീസ് സുസജ്ജമാണെന്നും മുഖ്യമന്ത്രി അറിയിച്ചു.