അന്വേഷണം വാർത്തകൾ ലഭിക്കാന് വാട്സാപ്പ് ചാനലില് ചേരൂ.
ഏഴ് വര്ഷത്തെ ഇടവേളയ്ക്ക് ശേഷം അല്ഫോണ്സ് പുത്രന് സംവിധാനം ചെയ്ത പുതിയ ചിത്രം ഗോള്ഡ് നാളെ മുതല് പ്രേക്ഷകരിലേക്ക് എത്തും. പൃഥ്വിരാജ് നായകനാകുന്ന ചിത്രം പലതവണ റിലീസ് മാറ്റിവെച്ചിരുന്നു. വേള്ഡ് വൈഡായി 1300കളിലധികം സ്ക്രീനുകളില് എത്തുന്ന ചിത്രം അമ്പത് കോടിയലിധികം പ്രീ റിലീസ് ബിസിനസ് സ്വന്തമാക്കിയിട്ടുണ്ട്. ആറായിരത്തിലധികം ഷോകളായിരിക്കും സിനിമയ്ക്ക് ഒരു ദിവസം ഉണ്ടാകുക.
അതേസമയം, ചിത്രത്തില് പൃഥ്വിരാജിന് പുറമെ നയന്താര, അജ്മല് അമീര്, കൃഷ്ണ ശങ്കര്, ശബരീഷ് വര്മ, വിനയ് ഫോര്ട്ട്, റോഷന് മാത്യു, മല്ലിക സുകുമാരന്, ലാലു അലക്സ്, ജഗദീഷ്, സൈജു കുറുപ്പ്, സുരേഷ് കൃഷ്ണ, ശാന്തി കൃഷ്ണ, പ്രേം കുമാര് തുടങ്ങിയവരും പ്രധാന വേഷങ്ങളിലെത്തുന്നു. പൃഥ്വിരാജ് പ്രൊഡക്ഷന്സ്, മാജിക് ഫ്രെയിംസ് എന്നീ ബാനറുകളിലാണ് സിനിമ നിര്മ്മിച്ചിരിക്കുന്നത്. മാജിക് ഫ്രെയിംസ് ആണ് വിതരണം. അല്ഫോണ്സ് പുത്രന് തന്നെയാണ് ചിത്രത്തിന്റെ തിരക്കഥയും ഒരുക്കിയിരിക്കുന്നത്. രാജേഷ് മുരുഗേശനാണ് ചിത്രത്തിന്റെ സംഗീത സംവിധാനം നിര്വഹിക്കുന്നത്. ശബരീഷ് വര്മയാണ് ചിത്രത്തിന്റെ ഗാനരചയിതാവ്.
