തിരുവനന്തപുരം: വിഴിഞ്ഞത്ത് സമരത്തിന്റെ പേരില് ബോധപൂര്വം കലാപം സൃഷ്ടിക്കാന് ശ്രമമെന്ന് മന്ത്രി ആന്റണി രാജു. സര്ക്കാരും പൊലീസും ആത്മസംയമനം പാലിക്കുകയാണ്. ആത്മസംയമനം ദൗര്ബല്യമായി കാണരുത്. സമാധാനം തകര്ക്കാന് ആരും ശ്രമിക്കരുതെന്നും മന്ത്രി പറഞ്ഞു.
യാഥാർഥ്യ ബോധത്തോടെ പെരുമാറാൻ സമരക്കാർ തയാറാകണം. സംഘർഷമുണ്ടാക്കി നാട്ടിലെ ശാന്തിയും സമാധാന അന്തരീക്ഷം തകർക്കാൻ ആരും ശ്രമിക്കരുത്. പോലീസും സർക്കാർ ഇതുപോലെ ആത്മസംയമനം പാലിച്ച സമരം വേറെയുണ്ടാകില്ല. ഇത് ദൗർബല്യമായി കാണരുത്.
സമരക്കാരുടെ ആവശ്യങ്ങളില് സര്ക്കാരിനെക്കൊണ്ട് ചെയ്യാന് കഴിയുന്നതെല്ലാം ചെയ്തു. ബാക്കിയുള്ള കാര്യങ്ങളില് ചര്ച്ച നടത്താന് സര്ക്കാര് തയാറാണെന്നും മന്ത്രി പറഞ്ഞു.
വിഴിഞ്ഞം സംഘര്ഷത്തില് ആര്ച്ച് ബിഷപ്പും വൈദികരും ചേര്ന്ന് ഗൂഢാലോചന നടത്തിയെന്നാണ് എഫ്ഐആര്. ലത്തീന് അതിരൂപത ആര്ച്ച് ബിഷപ് ഡോ.തോമസ് ജെ നെറ്റോ ഒന്നാം പ്രതി. സഹായമെത്രാന് ഡോ.ആര് ക്രിസ്തുദാസ് ഉള്പ്പടെ അമ്പതോളം വൈദികര് പ്രതിപ്പട്ടികയിലുണ്ട്. രണ്ടുലക്ഷത്തിലേറെ രൂപയുടെ പൊതുമുതല് നശിപ്പിച്ചതിനും കേസെടുത്തു.
വധശ്രമം, ഗൂഢാലോചന, കലാപാഹ്വാനം, പൊതുമുതൽ നശിപ്പിക്കൽ തുടങ്ങി വകുപ്പുകളിട്ടാണ് സമരസമിതി ജനറൽ കൺവീനറും ലത്തീൻ അതിരൂപതാ വികാരി ജനറലുമായ ഫാ. യൂജിൻ പെരേര അടക്കമുള്ളവര്ക്കെതിരെ കേസ്. എട്ട് കേസുകളാണ് വിഴിഞ്ഞം പൊലീസ് ഇതുവരെ രജിസ്റ്റര് ചെയ്തത്. സംഘം ചേര്ന്നതിനും പൊതുമുതൽ നശിപ്പിച്ചതിനും തുറമുഖത്തെ അനുകൂലിക്കുന്നവര്ക്കെതിരെ രണ്ട് കേസും എടുത്തിട്ടുണ്ട്.
തുറമുഖ നിർമാണത്തിനെതിരെ സമരം ചെയ്യുന്നവരെ അടിച്ചൊതുക്കാനാണ് സർക്കാർ ശ്രമിക്കുന്നതെന്ന് സമരസമിതി ജനറൽ കൺവീനർ യൂജിൻ പെരേര ആരോപിച്ചു. അദാനി കമ്പനിക്ക് തുറമുഖ നിർമാണവുമായി മുന്നോട്ട് പോകാമെന്ന കോടതി വിധിക്കെതിരെ നാളെ അപ്പീൽ നൽകും. വിഴിഞ്ഞത് സംഘർഷത്തിന് സർക്കാർ ഒത്താശ ചെയ്യുകയാണെന്നും പ്രദേശവാസികളുമായി പ്രശ്നങ്ങളില്ലെന്നും യൂജിൻ പെരേര പറഞ്ഞു.