തിരുവനന്തപുരം: പാറശാല ഷാരോണ് രാജ് വധക്കേസില് മുഖ്യപ്രതി ഗ്രീഷ്മയെ റിമാന്ഡ് ചെയ്തു. കസ്റ്റഡി കാലാവധി കഴിഞ്ഞതിനാലാണ് കോടതിയില് എത്തിച്ച് റിമാന്ഡ് ചെയ്തത്. ഗ്രീഷ്മയുടെ ശബ്ദസാമ്പിളുകളും അന്വേഷണ സംഘം ശേഖരിച്ചിട്ടുണ്ട്.
ഷാരോണ് രാജ് വധക്കേസിലെ അന്വേഷണത്തില് വീഴ്ച്ച വരുത്തിയ ഉദ്യോഗസ്ഥനെ ഇന്ന് സ്ഥലംമാറ്റി. ആരോപണ വിധേയരായ മ്യൂസിയം, പാറശാല പൊലീസ് സ്റ്റേഷനുകളിലെ എസ് എച്ച് ഒമാരെയാണ് മാറ്റിയത്.
പാറശാല സി ഐ ഹേമന്ദ് കുമാറിനെ വിജിലന്സിലേക്കും മ്യൂസിയം എസ് എച്ച് ഒ ധര്മ്മ ജിത്തിനെ കൊല്ലം അഞ്ചാലുംമൂട് സ്റ്റേഷനിലേക്കുമാണ് മാറ്റിയത്.