അന്വേഷണം വാർത്തകൾ ലഭിക്കാന് വാട്സാപ്പ് ചാനലില് ചേരൂ.
എപിജെ അബ്ദുള് കലാം സാങ്കേതിക സര്വകലാശാല വൈസ് ചാന്സലര് നിയമനം സുപ്രിംകോടതി റദ്ദാക്കി. ഡോ.എം എസ് രാജശ്രീയുടെ നിയമനമാണ് റദ്ദാക്കിയത്.നിയമനം ചട്ടപ്രകാരമല്ലെന്ന ഹര്ജിയിലാണ് ഉത്തരവ്. വി സി നിയമനത്തില് ചാന്സലര്ക്ക് പാനല് കൈമാറുന്നതിന് പകരം ഒരു വ്യക്തിയുടെ പേര് കൈമാറുക മാത്രമാണെന്ന് സുപ്രിംകോടതി നിരീക്ഷിച്ചു.
സാങ്കേതിക സര്വകലാശാല മുന് ഡീന് ശ്രീജിത് പി എസ് ആണ് വൈസ് ചാന്സലര് നിയമനം ചോദ്യം ചെയ്ത് കോടതിയെ സമീപിച്ചത്. 2013ലെ യുജിസി ചട്ടങ്ങള് ലംഘിച്ചുകൊണ്ടാണ് വി സി നിയമനം നടന്നതെന്ന് സുപ്രിംകോടതി പ്രധാനമായും ചൂണ്ടിക്കാട്ടി. എന്നാൽ യുജിസി ചട്ടങ്ങള് പ്രകാരം സംസ്ഥാന നിയമത്തിന്റെ അടിസ്ഥാനത്തില് നിയമനം നടത്താന് അധികാരമുണ്ടെന്നായിരുന്നു വാദിഭാഗത്തിന്റെ വാദം. ഈ വാദമാണ് കോടതി തള്ളിയത്. യുജിസിയുടെ അനുമതിയോടെയാണ് എന്ന വാദവും കോടതി അംഗീകരിച്ചില്ല. ഇതിന്റെ അടിസ്ഥാനത്തിലാണ് നിയമനം റദ്ദാക്കിയത്.
