‘അനുശോചനം അറിയിക്കണം എന്നു മാത്രം പറഞ്ഞു’; കോ​ടി​യേ​രിയുടെ വേ​ർ​പാ​ടി​ൽ ക​ണ്ണീ​ര​ണി​ഞ്ഞ് വി​എ​സ്

കോ​ട്ട​യം: കോ​ടി​യേ​രി ബാ​ല​കൃ​ഷ്ണ​ന്‍റെ വേ​ർ​പാ​ടി​ൽ ക​ണ്ണീ​ര​ണി​ഞ്ഞ് മു​തി​ർ​ന്ന നേ​താ​വ് വി.​എ​സ് അ​ച്യു​താ​ന​ന്ദ​ൻ. മ​ക​ൻ വി.​എ അ​രു​ൺ​കു​മാ​ർ ആ​ണ് കോ​ടി​യേ​രി​യു​ടെ വി​യോ​ഗ വാ​ർ​ത്ത വി​എ​സി​ന്‍റെ ക​ണ്ണി​ൽ ന​ന​വ് പ​ട​ർ​ത്തി​യ വി​വ​രം പ​ങ്കു​വ​ച്ച​ത്. കോ​ടി​യേ​രു​ടെ മ​ര​ണം അ​റി​ഞ്ഞ​തി​നു പി​ന്നാ​ലെ വി​വ​രം അ​ച്ഛ​നോ​ട് പ​ങ്കു​വ​ച്ചെ​ന്ന് അ​രു​ൺ കു​മാ​ർ പ​റ​ഞ്ഞു.

“വി​വ​രം അ​റി​ഞ്ഞ​പ്പോ​ൾ ആ​ദ്യം ചെ​യ്ത​ത് അ​ച്ഛ​നോ​ട് വി​വ​രം പ​റ​യു​ക​യാ​ണ്. ഒ​രു നി​മി​ഷം നി​ശ​ബ്ദ​നാ​യി​രു​ന്ന അ​ച്ഛ​ന്‍റെ ക​ണ്ണു​ക​ളി​ൽ ന​ന​വ് എ​നി​ക്ക് വ്യ​ക്ത​മാ​യി കാ​ണാ​നാ​യി. അ​നു​ശോ​ച​നം അ​റി​യി​ക്ക​ണം” എ​ന്നു മാ​ത്രം പ​റ​യു​ക​യും ചെ​യ്തു’- അ​രു​ൺ കു​മാ​ർ ഫേ​സ്ബു​ക്കി​ൽ പ​റ​ഞ്ഞു.
 

വി.എ.അരുണ്‍കുമാറിന്റെ ഫെയ്‌സ്ബുക്ക് പോസ്റ്റ്…

ഞെട്ടലും വേദനയും ഉളവാക്കുന്ന ആ വാര്‍ത്ത ശ്രവിച്ചുകഴിഞ്ഞു. സ. കോടിയേരി നമ്മെ വിട്ടുപോയിരിക്കുന്നു. ആദ്യം ചെയ്തത് അച്ഛനോട് വിവരം പറയുകയാണ്. ഒരു നിമിഷം നിശബ്ദനായിരുന്ന അച്ഛന്റെ കണ്ണുകളില്‍ ഒരു നനവ് എനിക്ക് വ്യക്തമായി കാണാനായി. ‘അനുശോചനം അറിയിക്കണം’ എന്നു മാത്രം പറയുകയും ചെയ്തു.

അച്ഛന്റെ അനുശോചനം യശഃശരീരനായ കോടിയേരിയുടെ കുടുംബാംഗങ്ങളെ അറിയിക്കുകയല്ലാതെ മറ്റൊന്നും ഇത്തരുണത്തില്‍ ചെയ്യാനില്ലല്ലോ എന്ന വേദന മനസ്സില്‍ കനംതൂക്കുന്നു. അച്ഛനോട് ഏറ്റവും ആദരവും സ്‌നേഹവും പുലര്‍ത്തിയ നേതാവായിരുന്നു, സ. കോടിയേരി ബാലകൃഷ്ണന്‍. പ്രതിപക്ഷ നേതാവായിരുന്ന കാലത്തും മുഖ്യമന്ത്രിയായിരുന്ന കാലത്തും അച്ഛനുമായി സൂക്ഷ്മമായ ഹൃദയബന്ധം പുലര്‍ത്തിയിരുന്ന മഹാനായ കമ്യൂണിസ്റ്റ് നേതാവിന്റെ വിയോഗത്തില്‍ എന്റെ അനുശോചനംകൂടി അറിയിക്കുകയാണ്.