അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.
തിരുവനന്തപുരം: സിപിഐ സംസ്ഥാന സമ്മേളനത്തില്‍ സര്‍ക്കാരിന് പ്രവര്‍ത്തന റിപ്പോര്‍ട്ടില്‍ വിമര്‍ശനം. ഇടത് സര്‍ക്കാരിന് നയവ്യതിയാനമുണ്ടായി എന്നും അട്ടപ്പാടി മാവോയിസ്റ്റ് വേട്ടയിലും യുഎപിഎ വിഷയത്തിലും ഇടത് നയവ്യതിയാനം സംഭവിച്ചതായും റിപ്പോര്‍ട്ട് പറയുന്നു.
ലഹരി മാഫിയയുമായി ചില പൊലീസുകാര്‍ക്ക് വഴിവിട്ട ബന്ധമുണ്ടെന്നും ജനകീയ പൊലീസ് എന്നതാകണം സര്‍ക്കരാര്‍ ലക്ഷ്യമെന്നും റിപ്പോര്‍ട്ടില്‍ പറയുന്നു. ഒറ്റപ്പെട്ട സംഭവങ്ങളും വ്യക്തികളും പൊലീസിന് കളങ്കമുണ്ടാക്കുന്നു. ചില കേസുകളില്‍ കുറ്റവാളികളെ നിയമത്തിന് മുന്നില്‍ കൊണ്ടുവരുന്നതില്‍ വീഴ്ചയുണ്ടായെന്നും റിപ്പോര്‍ട്ടില്‍ പറയുന്നു.
വിഴിഞ്ഞം തുറമുഖ നിര്‍മ്മാണം തീരദേശ ജനതയില്‍ ആശങ്കയ്ക്ക് കാരണമായിട്ടുണ്ടെന്നും ചൂണ്ടിക്കാട്ടുന്നു. എല്‍ഡിഎഫ് സര്‍ക്കാരിന്റെ പ്രവര്‍ത്തനങ്ങളില്‍ മുന്നണി തലത്തില്‍ കൂടുതല്‍ കൂടിയാലോചനകള്‍ വേണമെന്നും പ്രവര്‍ത്തന റിപ്പോര്‍ട്ടില്‍ വ്യക്തമാക്കുന്നുണ്ട്.
