അന്വേഷണം വാർത്തകൾ ലഭിക്കാന് വാട്സാപ്പ് ചാനലില് ചേരൂ.
ഗ്യാന്വാപി മസ്ജിദ് സമുച്ചയത്തില് ആരാധന അനുവദിക്കണമെന്ന് ആവശ്യപ്പെട്ട് ഹിന്ദു സ്ത്രീകള് നല്കിയ ഹര്ജിയിൽ വാരാണസി ജില്ലാ കോടതിയുടെ വിധി ഇന്ന്. വസ്തു വഖഫ് ബോര്ഡിന്റേതാണെന്നും കോടതിയില് വാദം കേള്ക്കാനാകില്ലെന്നും പള്ളിയുമായി ബന്ധപ്പെട്ട ഏത് വിഷയവും കേള്ക്കാന് വഖഫ് ബോര്ഡിന് മാത്രമേ അവകാശമുള്ളൂയെന്നും പള്ളി കമ്മിറ്റി വാദിച്ചത്. കോടതിയില് നടക്കുന്ന വിചാരണ നിലനില്ക്കുമോയെന്നും ഹര്ജി ന്യായമായ കാരണങ്ങളെ അടിസ്ഥാനമാക്കിയുള്ളതാണോയെന്നും ജില്ലാ ജഡ്ജി തീരുമാനം അറിയിക്കും.
ഗ്യാന്വാപി മസ്ജിദിന്റെ പുറം ഭിത്തിയില് സ്ഥാപിച്ചിരിക്കുന്ന ഹിന്ദു ദേവത വിഗ്രഹങ്ങള് ആരാധിക്കാന് അനുവദിക്കണമെന്ന് ഡല്ഹിയിലെ അഞ്ച് സ്ത്രീകള് സമര്പ്പിച്ച ഹര്ജിയിലാണ് ആവശ്യപ്പെട്ടത്. 16-ാം നൂറ്റാണ്ടില് കാശി വിശ്വനാഥ ക്ഷേത്രത്തിന്റെ ഒരു ഭാഗം തകര്ത്ത് മുഗള് ചക്രവര്ത്തി ഔറംഗസേബിന്റെ ഉത്തരവനുസരിച്ചാണ് ജ്ഞാനവാപി മസ്ജിദ് നിര്മ്മിച്ചതെന്ന് 1991-ല് വാരണാസി കോടതിയില് സമര്പ്പിച്ച ഹര്ജിയില് പറയുന്നു.
ഗ്യാന്വാപി -ഗൗരി ശൃംഗാര് സമുച്ചയത്തിലെ ബേസ്മെന്റുകള് സര്വേ ചെയ്യുന്നതിനും വീഡിയോഗ്രാഫ് ചെയ്യുന്നതിനുമായി ഒരു കമ്മിറ്റിയെ കോടതി നിയോഗിച്ചു. തടസങ്ങൾക്കിടയിലും കനത്ത സുരക്ഷയില് മെയ് 14 ന് സര്വേ ആരംഭിച്ചു. ഗ്യാന്വാപി മസ്ജിദ് സമുച്ചയത്തിന്റെ കോടതി നിര്ബന്ധിത വീഡിയോഗ്രാഫി സര്വേ മെയ് 16-ന് പൂര്ത്തിയായി. വസുഖാനയില് നിന്നോ പള്ളി സമുച്ചയത്തിനുള്ളിലെ റിസര്വോയറിനുള്ളില് നിന്നോ ഒരു ശിവലിംഗം കണ്ടെത്തിയതായി ഹിന്ദു പക്ഷത്ത് നിന്നുള്ള ഒരു അഭിഭാഷകന് അവകാശപ്പെട്ടു. നമസ്കാരം നിര്ത്തുന്നില്ലെന്ന് ഉറപ്പ് വരുത്തിക്കൊണ്ട് ശിവലിംഗം സംരക്ഷിക്കാന് പ്രാദേശിക അധികാരികള്ക്ക് സുപ്രീം കോടതി നിര്ദ്ദേശം നല്കി.
