അന്വേഷണം വാർത്തകൾ ലഭിക്കാന് വാട്സാപ്പ് ചാനലില് ചേരൂ.
ഗുരുവായൂര് ക്ഷേത്ര ദര്ശനം കഴിഞ്ഞ് മടങ്ങിയ കുടുംബം സഞ്ചരിച്ച കാർ ലോറിയുമായി കൂട്ടിയിടിച്ച് മൂന്നര വയസ്സുകാരിയും മുത്തശ്ശിയും മരിച്ചു.ബൈപ്പാസില് കാവനാട് മുക്കാട് പാലത്തിനു സമീപമാണ് അപകടമുണ്ടായത്. തിരുവനന്തപുരം പേട്ട സ്വദേശികള് സഞ്ചരിച്ചിരുന്ന വാഹനമാണ് അപകടത്തില്പ്പെട്ട്
പേട്ട തുലവിള ലെയ്ന് കൃഷ്ണ കൃപയില് കൃഷ്ണകുമാരി, ഇവരുടെ മകന്റെ മകള് കൃഷ്ണഗാഥയുടെയും സുധീഷിന്റെയും മകള് ജാനകി എന്നിവരാണ് മരിച്ചത്.
തിങ്കളാഴ്ച രാവിലെ ഗുരുവായൂരില് നിന്ന് എറണാകുളത്ത് എത്തിയ ഇവർ ഷോപ്പിങ്ങിനു ശേഷം രാത്രി ഒന്പതു മണിയോടെയാണ് യാത്ര തിരിച്ചത്. കൊല്ലം ബൈപ്പാസിലൂടെ പോകുന്നതിനിടെയാണ് മുന്നില് സഞ്ചരിച്ചിരുന്ന കാര് എതിരേവന്ന ലോറിയില് ഇടിച്ചത്. ജാനകിക്ക് തുലാഭാരം നടത്താനായിട്ടാണ് കഴിഞ്ഞ ശനിയാഴ്ചയാണ് കുടുംബം തിരുവനന്തപുരത്തു നിന്ന് യാത്രതിരിച്ചത്. കൃഷ്ണകുമാരിയുടെ മകന് ജയദേവനും ഭാര്യ ഷീബയും യാത്രയ്ക്ക് ഒപ്പമുണ്ടായിരുന്നു. രണ്ട് കാറുകളിലായാണ് സംഘം യാത്ര ചെയ്തത്.
