അന്വേഷണം വാർത്തകൾ ലഭിക്കാന് വാട്സാപ്പ് ചാനലില് ചേരൂ.
കൊച്ചി കാക്കനാട്ടെ ഫ്ളാറ്റില് യുവാവ് കൊല്ലപ്പെട്ട സംഭവത്തിൽ ലഹരിമരുന്ന് തർക്കമെന്ന് കണ്ടെത്തൽ പ്രതിയായ അർഷാദിന്റെ പിടികൂടിയെങ്കിലും ഇയാളെ ചോദ്യം ചെയ്യാൻ പറ്റുന്ന സാധാരണ അവസ്ഥയിലല്ല. മെഡിക്കൽ സഹായം ഉൾപ്പെടെ ഉപയോഗിച്ച് ചോദ്യം ചെയ്യാനുള്ള ശ്രമം നടത്തുകയാണെന്നും കൊച്ചി സിറ്റി പോലീസ് കമ്മീഷണർ പറഞ്ഞു.
കൊല്ലപ്പെട്ടയാളും പ്രതിയും ലഹരിയ്ക്ക് അടിമകളെന്നും പൊലീസ് പറഞ്ഞു.അര്ഷാദ് കൊണ്ടോട്ടി ജ്വല്ലറി മോഷണക്കേസിലെ പ്രതിയാണെന്നും തെളിഞ്ഞിട്ടുണ്ട്. അറസ്റ്റിലായ അര്ഷാദിന്റെ പക്കല് നിന്നും മയക്കുമരുന്ന് കണ്ടെടുത്തതായി റിപ്പോര്ട്ടുകള്. രക്ഷപ്പെടാന് ഉപയോഗിച്ച ഇരുചക്ര വാഹനത്തില് നിന്നാണ് ഒരു കിലോ കഞ്ചാവ് ഉള്പ്പെടെ കണ്ടെടുത്തത്.എംഡിഎംഎ, ഹാഷിഷ് ഓയില് തുടങ്ങിയവ അടങ്ങിയ ബാഗും വണ്ടിയില് നിന്നും പൊലീസ് കണ്ടെടുത്തു. കൊലപാതകം സംബന്ധിച്ച് ചോദ്യം ചെയ്യലിന് ശേഷം മാത്രമേ കൂടുതൽ വ്യക്തത ലഭിക്കുകയുള്ളൂവെന്നും കമ്മീഷണർ പറഞ്ഞു.ഫ്ലാറ്റിലെ മുറിയിൽ നിന്നും ലഹരി വസ്തുക്കൾ ഒന്നു കണ്ടെടുത്തിട്ടില്ലെന്നും അന്വേഷണ ഉദ്യോഗസ്ഥർ അറിയിച്ചു. സിന്തറ്റിക് ലഹരിവസ്തുക്കൾ കണ്ടെത്തിയിട്ടില്ലെങ്കിലും അവിടത്തെ മണവും മറ്റും മയക്കുമരുന്നിൻ്റെ സാന്നിധ്യം സംശയിക്കുന്നുണ്ട്. ഫ്ലാറ്റിൽ മയക്കുമരുന്നിൻ്റെ സ്ഥിരം ഉപയോഗം ഉണ്ടായിരുന്നതായാണ് മനസ്സിലാകുന്നത്.
മോഷണക്കേസിൽ ഒരുമാസമായി ഇയാള് ഒളിവിലായിരുന്നു. കൊണ്ടോട്ടിയിലെ മോഷണത്തിന് ശേഷം ഗോവയിലേക്ക് കടന്ന അര്ഷാദ് പിന്നീടാണ് കൊച്ചിയിലെത്തി കാക്കനാട് സുഹൃത്തുക്കള്ക്കൊപ്പം താമസിച്ചത്. ജ്വല്ലറി കവര്ച്ചക്കേസില് പൊലീസ് തിരയുന്നതിനിടെയാണ് അര്ഷാദ് സജീവിനെ കൊലപ്പെടുത്തുന്നത്.
