അന്വേഷണം വാർത്തകൾ ലഭിക്കാന് വാട്സാപ്പ് ചാനലില് ചേരൂ.ബെംഗളൂരു: കർണാടക ശിരൂർ ടോൾപ്ലാസയിൽ ആംബുലൻസ് അപകടത്തിൽപ്പെട്ട് നാല് പേർ മരിച്ചു. ഒരാൾക്ക് പരിക്കേറ്റു. ഇന്ന് വൈകീട്ട് 4 മണിക്കാണ് കർണാടക ശിരൂർ ടോൾ പ്ലാസയിൽ അപകടം നടന്നത്.
ഹൊന്നാവറിൽ നിന്ന് കുന്ദാപൂരിലേക്ക് രോഗികളുമായി പോയ ആംബുലൻസ് ആണ് അപകടത്തിൽ പെട്ടത്. രോഗിയെയും കൂടെയുള്ള രണ്ടുപേരെയും വഹിച്ചാണ് വലിയ ആംബുലന്സ് വന്നത്. ടോള് ബൂത്തിന്റെ പ്രത്യേക പാതയിലേക്ക് വാഹനം വരുന്നത് കണ്ട ടോള് ബൂത്ത് ജീവനക്കാര് റോഡിലുള്ള ബാരിക്കേഡ് മാറ്റുന്നതിനിടെ തെന്നിമാറിയ ആംബുലന്സ് ഇടിച്ചുമറിയുകയായിരുന്നു. സംഭവത്തിൻ്റെ സിസി ടി.വി ദൃശ്യം പുറത്ത് വന്നിട്ടുണ്ട്.
ബാരിക്കേഡുകള് പെട്ടെന്ന് എടുത്തുമാറ്റാന് ശ്രമിക്കുന്ന ജീവനക്കാരെ സിസിടിവി ദൃശ്യങ്ങളില് കാണാം. രണ്ടെണ്ണം ഒരു ജീവനക്കാരന് എടുത്തുമാറ്റി മാറ്റിയിരുന്നു. മൂന്നാമത്തേത് മറ്റൊരു ജീവനക്കാരന് മാറ്റിക്കഴിയുന്നതിന് മുന്നെ തെന്നിവന്ന ആംബുലന്സ് ടോള്ബൂത്തിന്റെ തൂണിലേക്ക് ഇടിക്കുകയായിരുന്നു. ആംബുലന്സിലുണ്ടായിരുന്ന മൂന്നുപേരും ഒരു ടോള്ബൂത്ത് ജീവനക്കാരനുമാണ് അപകടത്തില് മരിച്ചത്. ഡ്രൈവര്ക്ക് ഗുരുതരമായി പരിക്കേറ്റിട്ടുണ്ട്.
ബൈന്ദൂർ പൊലീസ് സ്ഥലം സന്ദർശിച്ചു. സംഭവത്തിൽ പൊലീസ് കേസെടുത്തു.
