അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.കുട്ടികളുടെ പ്രതിഭ തിരിച്ചറിഞ്ഞ് സമൂഹത്തിന്റെ മുൻ നിരയിലേക്ക് കൊണ്ടുവരിക എന്ന ലക്ഷ്യത്തോടെ ‘കിടു കിഡ്സ്’ എന്ന പേരിൽ കുട്ടികൾക്കായി സിപിഐഎമ്മിന്റെ പുതിയ യുട്യൂബ് ചാനൽ. ഭിന്നശേഷിക്കാരായ കുട്ടികളെ പ്രോത്സാഹിപ്പിക്കാനും പ്രത്യേക പരിപാടികളും ചാനലിന്റെ ഭാഗമായി അവതരിപ്പിക്കും. ചാനലിന് വരിക്കാരെ വർധിപ്പിക്കുക എന്ന ലക്ഷ്യത്തോടെ ജൂലൈ 24-ന്സംസ്ഥാന വ്യാപകമായി പ്രചാരണ പരിപാടിയും സംഘടിപ്പിക്കും.
സിപിഐഎം നവമാധ്യമ വിഭാഗം രൂപകൽപ്പന ചെയ്ത ചാനലിന്റെ പരീക്ഷണ ഓട്ടം ആരംഭിച്ചു. കുട്ടികൾ അവതരിപ്പിക്കുന്ന കാവ്യാലാപനം, നൃത്തം, നാടകം തുടങ്ങിയ കലാപരിപാടികളും ശാസ്ത്രബോധം വളർത്തുന്ന പരിപാടികളുമാണ് ചാനലിന്റെ ഉള്ളടക്കം.
സംസ്ഥാനത്തെ ബാലസംഘം യൂണിറ്റുകളുടെ പ്രവർത്തനം ശക്തിപ്പെടുത്താനും സിപിഐഎം തീരുമാനിച്ചിട്ടുണ്ട്.ചാനലിൽ സംപ്രേഷണം ചെയ്യാനുള്ള കുട്ടികളുടെ പരിപാടികൾ ബാലസംഘം വഴി നൽകും. ബാലസംഘവും സിപിഐഎമ്മിന്റെ നവമാധ്യമവിഭാഗവും ചേർന്നാകും ചാനൽ പ്രവർത്തനം ഏകോപിപ്പിക്കുക.
