അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.
തിരുവനന്തപുരം: ചോദ്യംചോദിച്ച മാധ്യമ പ്രവര്‍ത്തകയോട് മോശമായി പൊരുമാറിയ സംഭവത്തില്‍ ഖേദം പ്രകടിപ്പിച്ച് പി.സി ജോര്‍ജ്. സോളാര്‍ കേസിലെ പ്രതിയുടെ പീഡന പരാതിയില്‍ ജാമ്യം ലഭിച്ച് പുറത്തിറങ്ങിയതിന് പിന്നാലെ മാധ്യമങ്ങളോട് സംസാരിക്കവെയാണ് പി.സി ജോര്‍ജിന്റെ പ്രതികരണം.
പീഡനക്കേസില്‍ നിരപരാധിയായ തന്നെ പോലീസ് അറസ്റ്റ് ചെയ്ത മനപ്രയാസത്തിനിടയിലാണ് അത്തരമൊരു പരാമര്‍ശം തന്റെ ഭാഗത്തുനിന്നുണ്ടായത്. ഇതില്‍ ദു:ഖമുണ്ടെന്നും പ്രയാസംനേരിട്ട മാധ്യമപ്രവര്‍ത്തകയോട് ക്ഷമ ചോദിക്കുന്നതായും പിസി ജോര്‍ജ് പറഞ്ഞു.
കേസിന് പിന്നില്‍ പിണറായിയും ഫാരിസ് അബൂബക്കറുമാണെന്ന് പി സി ജോര്‍ജ് ആരോപിച്ചു. ഹാരിസിന്‍റെ നിക്ഷേപങ്ങളില്‍ പിണറായി വിജയന് പങ്കുണ്ടെന്നും ആരോപിച്ച പി സി ജോര്‍ജ്, മുഖ്യമന്ത്രിയുടെ അമേരിക്കന്‍ ബന്ധം വിശദമായി അന്വേഷിക്കണമെന്നും ആവശ്യപ്പെട്ടു. പിണറായി വിജയനെതിരെ അന്വേഷണ ഏജന്‍സികള്‍ക്ക് പരാതി നല്‍കുമെന്ന് പറഞ്ഞ പി സി ജോര്‍ജ്, വീണയുടെ കമ്പനിയുടെ സാമ്പത്തിക സ്രോതസും എക്സാലോജിക്കിന്‍റെ ഇടപാടുകള്‍ അന്വേഷിക്കണമെന്നും അവശ്യപ്പെട്ടു.
