അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.
വിദ്യാര്‍ത്ഥികള്‍ക്കിടയില്‍ വര്‍ധിച്ചു വരുന്ന ലഹരി ഉപയോഗം നിരീക്ഷിക്കാനും പ്രതിരോധിക്കാനും സോഷ്യല്‍ ഡിഫന്‍സ് വോളണ്ടിയര്‍ സംഘം.സ്‌കൂളുകളും കോളജുകളും കേന്ദ്രീകരിച്ച് സംഘത്തെ രൂപീകരിക്കുമെന്ന് സാമൂഹ്യ നീതി വകുപ്പ് മന്ത്രി ആര്‍ ബിന്ദു പറഞ്ഞു. അന്താരാഷ്ട്ര ലഹരി വിരുദ്ധ ദിനാചരണത്തോടനുബന്ധിച്ച് സംഘടിപ്പിച്ച ‘നശാമുക്ത് ഭാരത് അഭിയാന്‍’ ക്യാമ്പയിന്റെ ഭാഗമായുള്ള പൊതുസമ്മേളനം ഉദ്ഘാടനം ചെയ്ത് സംസാരിക്കുകയായിരുന്നു മന്ത്രി.
സാമൂഹ്യ പുനനിര്‍മ്മാണ പ്രക്രിയയില്‍ ലഹരി വിമുക്ത പ്രവര്‍ത്തനങ്ങള്‍ക്ക് വളരെയധികം പ്രാധാന്യമുണ്ട്. സംസ്ഥാനത്തുടനീളം പ്രാദേശിക തലത്തില്‍ ബോധവത്ക്കരണ പ്രവര്‍ത്തനങ്ങള്‍ നടത്തും. കുട്ടികള്‍ മുതലുള്ളവരില്‍ ലഹരി ഉപയോഗത്തിന്റെ സാമൂഹ്യ-മാനസിക-ആരോഗ്യ പ്രത്യാഘാതങ്ങളെ കുറിച്ച് അവബോധം സൃഷ്ടിക്കുമെന്നും മന്ത്രി പറഞ്ഞു.വിദ്യാലയങ്ങള്‍ കേന്ദ്രീകരിച്ച് നടക്കുന്ന ലഹരി ഉപയോഗം, വില്‍പന എന്നിവ തടയാന്‍ ഈ സംഘങ്ങള്‍ക്ക് കഴിയും. സംസ്ഥാനത്ത് ലഹരി മുക്ത പ്രവര്‍ത്തനങ്ങളില്‍ മറ്റ് വകുപ്പുകളുടെയും സന്നദ്ധ പ്രവര്‍ത്തകരുടെയും പങ്കാളിത്തം ഉറപ്പുവരുത്തുമെന്നും മന്ത്രി വ്യക്തമാക്കി.
