അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.മണിപ്പൂരിലെ 107 ടെറിട്ടോറിയൽ സൈനിക ക്യാമ്പിലുണ്ടായ മണ്ണിടിച്ചിൽ 13 മരണം. അപകടത്തിൽ കാണാതായ 40 പേർക്കായി തിരച്ചിൽ തുടരുന്നു. നോനെ ജില്ലയിലെ ക്യാമ്പിൽ വ്യാഴാഴ്ച പുലർച്ചെയാണ് മണ്ണിടിച്ചിലിലുണ്ടായത്. ഏഴു സൈനികരും ഒരു റെയിൽവേ തൊഴിലാളിയുമടക്കമുള്ളവരാണ് മരിച്ചത്. ഇംഫാൽ-ജിരിബാം റെയിൽവേ പ്രൊജക്ടിന് എത്തിയതായിരുന്നു തൊഴിലാളി.
ടുപുൾ റയിൽവേ സ്റ്റേഷന് സമീപം ജിരിബാം- ഇംഫാൽ റയിൽപാത നിർമ്മാണത്തിൽ ഏർപ്പെട്ടിരുന്നവരും സുരക്ഷ നൽകാൻ എത്തിയ ടെറിട്ടോറിയൽ ആർമി ഉദ്യോഗസ്ഥരുമാണ് അപകടത്തിൽപ്പെട്ടത്. ശക്തമായ മഴയിൽ മല ഇടിഞ്ഞുവീഴുകയായിരുന്നു. ശക്തമായ മഴ ഉണ്ടായിരുന്നതിനാൽ രക്ഷാപ്രവർത്തനത്തിന് തടസ്സമായി, കരസേനയും അസം റൈഫിൾസും ദേശീയ ദുരന്തനിവാരണ സേനയും രക്ഷാപ്രവർത്തനം തുടരുകയാണ്.
