അന്വേഷണം വാർത്തകൾ ലഭിക്കാന് വാട്സാപ്പ് ചാനലില് ചേരൂ.ഓരോ ജില്ലയിലേയും വനിത ശിശുവികസന വകുപ്പ് ഓഫീസുകള് സ്ത്രീകളുടെ ആശ്രയ കേന്ദ്രമാകണം, ഏറ്റവും നല്ല പെരുമാറ്റം ഓരോ ഓഫീസില് നിന്നും ലഭ്യമാക്കണം. ഏറ്റവുമധികം ശ്രദ്ധയും കരുതലും ഉണ്ടാകേണ്ട വകുപ്പാണ്. പരാതി പറയാനെത്തുന്നവരെക്കൂടി ഉള്ക്കൊള്ളാനാകണമെന്നും ആരോഗ്യ മന്ത്രി വീണാ ജോര്ജ് പറഞ്ഞു. വനിത ശിശുവികസന വകുപ്പ് കഴിഞ്ഞ സാമ്പത്തിക വര്ഷം നടപ്പിലാക്കിയ പദ്ധതികളെ സംബന്ധിച്ചുള്ള ജില്ലാതല ഓഫീസര്മാരുടെ അവലോകന യോഗത്തില് ആയിരുന്നു മന്ത്രി ഇക്കാര്യം വ്യക്തമാക്കിയത് .
സംസ്ഥാന വനിത ശിശുവികസന വകുപ്പിന് കീഴിലുള്ള ഫയലുകള് ഒക്ടോബര് പത്തിനകം തീര്പ്പാക്കണമെന്ന് മന്ത്രി നിര്ദേശം നല്കി.സ്ത്രീകളുടെയും കുട്ടികളുടെയും ക്ഷേമവും ശാക്തീകരണവും ഉറപ്പാക്കുകയാണ് വനിത ശിശു വികസന വകുപ്പിന്റെ ലക്ഷ്യം. വകുപ്പ് നടപ്പിലാക്കുന്ന പദ്ധതികളെ സംബന്ധിച്ച് കൃത്യമായ ഡേറ്റ ഉണ്ടായിരിക്കണം. സംസ്ഥാന തലത്തിലും ജില്ലാ തലത്തിലും ശേഖരിക്കുന്ന ഡേറ്റകള് ഓരോ മാസവും അവലോകനം നടത്തണം.
ജില്ലാതലത്തിലും വകുപ്പ് തലത്തിലും ഡയറക്ടറേറ്റ് തലത്തിലും പ്രവര്ത്തനങ്ങള് ഓരോ മാസവും അവലോകനം നടത്തണം.153 സ്മാര്ട്ട് അങ്കണവാടികള് ഈ സാമ്പത്തിക വര്ഷം പൂര്ത്തിയാക്കണം. . ഏറ്റവും മികച്ച ജോലിയന്തരീക്ഷം ഉണ്ടാകുമെന്നും മന്ത്രി പറഞ്ഞു.
