അന്വേഷണം വാർത്തകൾ ലഭിക്കാന് വാട്സാപ്പ് ചാനലില് ചേരൂ.
കൊച്ചി: രാഷ്ട്രീയ കേരളം ഉറ്റുനോക്കുന്ന തൃക്കാക്കരയില് ഇന്ന് ബിജെപിയും വലിയ പ്രതീക്ഷയിലാണ്. ബിജെപി വോട്ടുകളില് വന് വര്ധനയുണ്ടാകുമെന്നാണ് എന്ഡിഎ സ്ഥാനാര്ത്ഥി എ എന് രാധാകൃഷ്ണന് പറഞ്ഞത്. ചിട്ടയായ സംഘടനാ പ്രവര്ത്തനം ഗുണം ചെയ്യുമെന്നും സ്ഥാനാര്ത്ഥി വ്യക്തമാക്കി.
239 ബൂത്തുകളിലായി 1,35,342 വോട്ടര്മാര് രേഖപ്പെടുത്തിയ വോട്ടുകള് എണ്ണിത്തീരുമ്പോള് തൃക്കാക്കരയുടെ പുതിയ എംഎല്എ ആരെന്ന് തെളിയും. എട്ട് മണിയോടെ സ്ട്രോങ് റൂം തുറക്കും. ആദ്യം എണ്ണുക പോസ്റ്റല് ബാലറ്റുകളും സര്വീസ് ബാലറ്റുകളുമാണ്. പിന്നാലെ ഇലക്ട്രോണിക് വോട്ടിങ് യന്ത്രങ്ങള് എണ്ണി തുടങ്ങും. ഒരു റൗണ്ടില് 21 വോട്ടിങ് മെഷീനുകള് എണ്ണി തീര്ക്കും. അങ്ങിനെ പതിനൊന്ന് റൗണ്ടുകള് പൂര്ത്തിയാകുന്നതോടെ ചിത്രം വ്യക്തമാകും തെളിയും. കൊച്ചി കോര്പ്പറേഷനിലെ ഇടപ്പളളി മേഖലയിലെ ബൂത്തുകളാവും ആദ്യം എണ്ണുക.
