അന്വേഷണം വാർത്തകൾ ലഭിക്കാന് വാട്സാപ്പ് ചാനലില് ചേരൂ.
കോഴിക്കോട്: തിരുവമ്പാടിയില് കാടുമൂടിയ സ്ഥലത്ത് നിന്നും തലയോട്ടിയും അസ്ഥികളും കണ്ടെത്തി. താഴെ തിരുവമ്പാടി വാപ്പാട്ട് പേനക്കാവിനു സമീപത്താണ് മൃതദേഹാവശിഷ്ടങ്ങള് കണ്ടെത്തിയത്.
ശനിയാഴ്ച വൈകിട്ട് ആറുമണിയോടെയാണ് റബര് എസ്റ്റേറ്റില് വിറക് ശേഖരിക്കാന് പോയ പ്രദേശവാസി തലയോട്ടിയും അസ്തികളും കണ്ടത്. തുടര്ന്ന് ഇയാള് നാട്ടുകാരെയും പൊലീസിനെയും വിവരമറിയിക്കുകയായിരുന്നു. മൃതദേഹാവശിഷ്ടങ്ങള് കണ്ടെത്തിയ സ്ഥലത്തിന് സമീപത്തുള്ള മരത്തില് കുരുക്കിട്ടനിലയില് ജീര്ണിച്ച തുണിയുമുണ്ടായിരുന്നു.
മൃതദേഹാവശിഷ്ടങ്ങള്ക്ക് മാസങ്ങളുടെ പഴക്കമുണ്ടെന്നാണ് നിഗമനം. പൊലീസ് സ്ഥലത്തെത്തി കേസെടുത്ത് അന്വേഷണം ആരംഭിച്ചു. പോസ്റ്റ്മോര്ട്ടം അടക്കമുള്ള തുടര്നടപടികളുണ്ടാകുമെന്ന് പൊലീസ് അറിയിച്ചു.
