ഹരിയാനയിൽ എട്ട് മുൻ എംഎൽഎമാർ കോൺഗ്രസിൽ ചേർന്നു

ഛണ്ഡിഗഡ്: ഹരിയാനയിൽ എട്ട് മുൻ എംഎൽഎമാർ കോൺഗ്രസിൽ ചേർന്നു. ഹരിയാന പിസിസി അധ്യക്ഷൻ ഉദയ് ഭാനിന്റെയും പ്രതിപക്ഷനേതാവ് ഭൂപീന്ദർ സിങ് ഹൂഡയുടെയും സാന്നിധ്യത്തിലാണ് ഇവർ കോൺഗ്രസിൽ ചേർന്നത്. 

ലോക്തന്ത്ര സുരക്ഷാ പാർട്ടി പ്രസിഡന്റ് കിശൻലാൽ പഞ്ചൽ, ശാരദ റാത്തോഡ്, രാം നിവാസ് ഖൊരേല, നരേഷ് സെൽവാൾ, പർവിന്ദർ ധൾ, സിലെ രാം ശർമ, രാകേഷ് കംബോജ്, രാജ് കുമാർ ബാൽമീകി, സുഭാഷ് ചൗധരി എന്നിവരാണ് കോൺഗ്രസിൽ ചേർന്നത്.

കൂടുതൽ നേതാക്കൾ കോൺഗ്രസിൽ ചേരുന്നത് 2024ൽ നടക്കുന്ന ലോക്‌സഭാ, നിയമസഭാ തെരഞ്ഞെടുപ്പുകളിൽ പാർട്ടിക്ക് കരുത്താവുമെന്ന് പിസിസി അധ്യക്ഷൻ പറഞ്ഞു. 

അതേസമയം, ക​ഴി​ഞ്ഞ അ​ഞ്ച് മാ​സ​ത്തി​നു​ള്ളി​ൽ എ​ണ്ണം​പ​റ​ഞ്ഞ അ​ഞ്ച് കോൺഗ്രസ് നേ​താ​ക്ക​ളാ​ണ് പാ​ർ​ട്ടി​വി​ട്ട​ത്. അ​തി​ൽ ഒ​ടു​വി​ല​ത്തെ പേ​രാ​ണ് ക​പി​ൽ സി​ബ​ൽ. പ​ഞ്ചാ​ബ് മു​ൻ കോ​ൺ​ഗ്ര​സ് അ​ധ്യ​ക്ഷ​ൻ സു​നി​ൽ ജാ​ഖ​ർ, ഗു​ജ​റാ​ത്തി​ലെ യു​വ നേ​താ​വ് ഹാ​ർ​ദി​ക് പ​ട്ടേ​ൽ, മു​തി​ർ​ന്ന നേ​താ​വ് അ​ശ്വ​നി കു​മാ​ർ, മു​ൻ കേ​ന്ദ്ര​മ​ന്ത്രി ആ​ർ​പി​എ​ൻ സിം​ഗ് എ​ന്നി​വ​രാ​ണ് അ​ടു​ത്തി​ടെ പാ​ർ​ട്ടി​വി​ട്ട​ത്.