മ​ത​വി​ദ്വേ​ഷ പ്ര​സം​ഗം: പി സി ജോ​ർ​ജ് മു​ൻ​കൂ​ർ ജാ​മ്യാ​പേ​ക്ഷ ന​ൽ​കി

കൊ​ച്ചി: മ​ത​വി​ദ്വേ​ഷ പ്ര​സം​ഗ​ത്തി​ന്‍റെ പേ​രി​ൽ പാ​ലാ​രി​വ​ട്ടം പോ​ലീ​സ് കേ​സ് എ​ടു​ത്ത​തോ​ടെ മു​ൻ എം​എ​ൽ​എ പി.​സി. ജോ​ർ​ജ് മു​ൻ​കൂ​ർ ജാ​മ്യാ​പേ​ക്ഷ ന​ൽ​കി. എ​റ​ണാ​കു​ളം ജി​ല്ലാ കോ​ട​തി​യി​ലാ​ണ് ജാ​മ്യ​പേ​ക്ഷ ന​ൽ​കി​യ​ത്. അ​പേ​ക്ഷ ബു​ധ​നാ​ഴ്ച കോ​ട​തി പ​രി​ഗ​ണി​ക്കും.

മ​ത​വി​ദ്വേ​ഷം ന​ട​ത്തു​ന്ന ത​ര​ത്തി​ൽ ഒ​ന്നും ത​ന്‍റെ പ്ര​സം​ഗ​ത്തി​ൽ ഇ​ല്ലെ​ന്നും ഹ​ർ​ജി​യി​ൽ ജോ​ർ​ജ് ചൂ​ണ്ടി​ക്കാ​ട്ടി. വെ​ണ്ണ​ല മ​ഹാ​ദേ​വ ക്ഷേ​ത്ര​ത്തി​ലെ സ​പ്താ​ഹ​യ​ജ്ഞ സ​മാ​പ​ന പ​രി​പാ​ടി​യി​ല്‍ ഒ​രു മ​ത​വി​ഭാ​ഗ​ത്തി​നെ​തി​രെ പ്ര​കോ​പ​ന​പ​ര​മാ​യ പ്ര​സം​ഗം ന​ട​ത്തി​യ​തി​നാ​ണ് പോ​ലീ​സ് കേ​സെ​ടു​ത്ത​ത്. 153 എ, 295 ​വ​കു​പ്പു​ക​ൾ പ്ര​കാ​ര​മാ​ണ് കേ​സെ​ടു​ത്തി​രി​ക്കു​ന്ന​തെ​ന്ന് പോ​ലീ​സ് അ​റി​യി​ച്ചു.

കേസെടുത്തത് ജാമ്യമില്ലാ വകുപ്പുകൾ പ്രകാരമെന്നാണെന്നും അറസ്റ്റ് ചെയ്യുകയാണ് സ്വാഭാവിക നടപടിയെന്നും കൊച്ചി പൊലീസ് കമ്മീഷണർ നേരത്തെ പറഞ്ഞിരുന്നു. പ്രസംഗത്തിന്റെ ശബ്ദരേഖയാണ് ആദ്യം ലഭിച്ചത്. അപ്പോൾ തന്നെ കേസെടുത്തു. വീഡിയോ കൂടി പരിശോധിച്ചശേഷം തുടർനടപടികൾ സ്വീകരിക്കും. പി.സി ജോർജ് ജാമ്യവ്യവസ്ഥകൾ ലംഘിച്ചതായി ബോധ്യപ്പെട്ടെന്നും അദ്ദേഹം പറഞ്ഞു.

തിരുവനന്തപുരത്ത് ഹിന്ദു മഹാപരിഷത്തിന്റെ ആഭിമുഖ്യത്തിൽ നടന്ന അനന്തപുരി ഹിന്ദു മഹാസമ്മേളനത്തിന്റെ മൂന്നാംദിനം ഉദ്ഘാടനം ചെയ്ത് നടത്തിയ വിവാദ പ്രസംഗത്തിൽ പി.സി ജോർജിനെതിരെ പൊലീസ് കേസെടുത്തിരുന്നു. മുസ്ലിം വ്യാപാരികളുടെ സ്ഥാപനങ്ങളിൽനിന്ന് ഹിന്ദുക്കൾ സാധനങ്ങൾ വാങ്ങരുതെന്ന് ആവശ്യപ്പെട്ട ജോർജ് മുസ്ലിംകളുടെ ഹോട്ടലുകളിൽ വന്ധ്യംകരണം നടക്കുന്നുണ്ടെന്നും ആരോപിച്ചിരുന്നു.