ശ്രീ​ല​ങ്ക​യി​ൽ പ്ര​തി​ഷേ​ധം രൂക്ഷം; ഭരണപക്ഷ എംപി വെ​ടി​യേ​റ്റ് കൊല്ലപ്പെട്ടു

കൊ​ളം​ബോ: ശ്രീ​ല​ങ്ക​യി​ലെ പ്ര​തി​സ​ന്ധി​യെ തു​ട​ർ​ന്നു ഉ​ട​ലെ​ടു​ത്ത പ്ര​തി​ഷേ​ധം ആ​ളി​ക്ക​ത്തു​ന്നു. കൊളംബോയിൽ സർക്കാർ അനുകൂലികളും പ്രതിപക്ഷവും തമ്മിൽ നടന്ന ഏറ്റുമുട്ടലിൽ ഭരണപക്ഷ എംപി കൊല്ലപ്പെട്ടു. അമരകീർത്തി അതുകോരളയാണ് ഏറ്റുമുട്ടലിൽ കൊല്ലപ്പെട്ടത്. 

പ്ര​തി​ഷേ​ധ​ക്കാ​ർ വ​ള​ഞ്ഞ​തോ​ടെ അ​മ​ര​കീ​ർ​ത്തി സ്വ​യം വെ​ടി​വ​യ്ക്കു​ക​യാ​യി​രു​ന്നു​വെ​ന്ന് പോ​ലീ​സ് പ​റ​ഞ്ഞു. അ​മ​ര​കീ​ർ​ത്തി​യു​ടെ കാ​ർ ത​ട​ഞ്ഞ പ്ര​തി​ഷേ​ധ​ക്കാ​ർ​ക്കു നേ​രെ അ​ദ്ദേ​ഹം നി​റ​യൊ​ഴി​ച്ചി​രു​ന്നു. എം​പി​യു​ടെ വെ​ടി​യേ​റ്റ ഒ​രാ​ൾ മ​രി​ക്കു​ക​യും ചെ​യ്തു. തു​ട​ർ​ന്ന് ഒരു കെ​ട്ടി​ട​ത്തി​ലേ​ക്ക് ഓ​ടി​ക്ക​യ​റി​യ എം​പി​യെ ജ​ന​ക്കൂ​ട്ടം വ​ള​ഞ്ഞു. ഇ​തോ​ടെ എം​പി സ്വ​യം ജീ​വ​നൊ​ടു​ക്കു​ക​യാ​യി​രു​ന്നു​വെ​ന്ന് പോ​ലീ​സ് വ്യ​ക്ത​മാ​ക്കി.

സംഘർഷത്തിൽ 50 പേർക്ക് പരുക്കേറ്റിട്ടുണ്ട്. സമരത്തിന്റെ ഭാഗമായി തൊഴിലാളി യൂണിയനുകളുടെ നേതൃത്വത്തിൽ വിവിധ കേന്ദ്രങ്ങളിൽ റാലി നടത്തിയിരുന്നു. തൊഴിൽ ഇടങ്ങളിൽ പ്രതിഷേധ സൂചകമായി കറുത്ത പതാക ഉയർത്തി. പൊതു ഗതാഗത സർവീസുകളും തടസപ്പെട്ടു. വിദ്യാത്ഥി സംഘടനകളുടെ നേതൃത്വത്തിൽ ഇന്നലെ നടത്തിയ പാർലമെന്റ് മാർച്ച് അക്രമാസക്തമായിരുന്നു.

 
കടുത്ത സാമ്പത്തിക പ്രതിസന്ധിയെ തുടർന്ന് അടിയന്തരാവാസ്ഥ പ്രഖ്യാപിച്ച ശ്രീലങ്കയിൽ പ്രധാനമന്ത്രി മഹിന്ദ രജപക്‌സെ രാജിവെച്ചിരുന്നു. കടുത്ത സമ്മർദങ്ങൾക്കൊടുവിലാണ് ഇന്ന് ഉച്ചയ്ക്കുശേഷം സഹോദരനും പ്രസിഡന്റുമായ ഗൊട്ടബയ രജപക്‌സെയ്ക്ക് മഹിന്ദ രാജിക്കത്ത് നൽകിയത്. പുതിയ ഐക്യസർക്കാർ രൂപീകരിക്കാൻ വഴിയൊരുക്കുന്നുവെന്നു പറഞ്ഞായിരുന്നു രാജി. നിലവിലെ സാമ്പത്തിക പ്രതിസന്ധിയിൽനിന്ന് രാജ്യത്തെ രക്ഷിക്കാനായി എല്ലാ കക്ഷികളെയും ചേർത്ത് സർക്കാർ രൂപീകരിക്കാനാണ് താൻ രാജിവയ്ക്കുന്നതെന്ന് മഹിന്ദ രാജിക്കത്തിൽ വ്യക്തമാക്കിയതായി അന്താരാഷ്ട്ര വാർത്താ ഏജൻസിയായ എ.എഫ്.പി റിപ്പോർട്ട് ചെയ്തു.