അന്വേഷണം വാർത്തകൾ ലഭിക്കാന് വാട്സാപ്പ് ചാനലില് ചേരൂ.ഷവര്മ കഴിച്ച് ഭക്ഷ്യവിഷബാധയേറ്റ് വിദ്യാര്ഥിനി മരണമടയുകയും ഒട്ടേറെ പേര്ക്ക് അസുഖം ബാധിച്ചതോടെയും ഷവര്മ വീണ്ടും വാർത്തകളിൽ പേരെടുത്തിരിക്കുകയാണ്.എങ്ങനെയാണ് ഷവർമ പോലുള്ള ഫാസ്റ്റ് ഫുഡുകളിൽ നിന്ന് ഭക്ഷ്യ വിഷബാധയേൽക്കുന്നത് .ഫാസ്റ്റ്ഫുഡ് സംസ്കാരം വ്യപിച്ചതോടെ ഭക്ഷ്യവിഷബാധ ചെറിയ രീതിയിൽ എങ്കിലും ആളുകളിൽ ഉണ്ടായിട്ടുണ്ട്. വയറുവേദന, വയറിളക്കം, ഛര്ദില്, പനി എന്നിവയിലേതെങ്കിലുമാകാം ഭക്ഷ്യ വിഷബാധയുടെ പ്രാഥമിക ലക്ഷണങ്ങള്. കേടായതോ പഴകിയതോ ആയ ഭക്ഷണം, മലിനജലം, പാചകം ചെയ്യുന്ന ആളിന്റെ ശുചിത്വക്കുറവ് എന്നിവയിലേതെങ്കിലും ആകാം ഭക്ഷ്യവിഷബാധയ്ക്ക് കാരണം.
പഴകിയ മാംസത്തില് രൂപപ്പെടുന്ന ഇ-കോളി, സാല്മോണെല്ല, ലിസ്റ്റീരിയ, സ്റ്റഫയിലോ കോക്കസ്, ക്ലോസ്ട്രിഡിയം, ക്യാമ്പയിലോബാക്ടര് പോലുള്ള ബാക്റ്റീരിയകള് അത്യന്തം അപകടകാരികളാണ്. ഇതിന് പുറമെ ചുരുക്കം ചില വൈറസുകളും പരാദങ്ങളും ഭക്ഷ്യവിഷബാധയ്ക്ക് കാരണമാകാറുണ്ട്.
മാംസാഹാരം നന്നായി പാകം ചെയ്യണം, മാംസത്തിന്റെ അകം 75 ഡിഗ്രി സെല്ഷ്യസിനു മുകളില് എത്തുന്ന വിധത്തില് പാകം ചെയ്താല് അതിലെ അണുക്കള് നശിക്കും. അതുപോലെ പാകം ചെയ്ത ഭക്ഷണം ബാക്കി വരുകയാണെങ്കിൽ അത് രണ്ടു മണിക്കൂറിനുള്ളില് തന്നെ ഫ്രിഡ്ജില് തണുപ്പിച്ചു സൂക്ഷിക്കണം. അല്ലാത്ത വന്നാൽ ബാക്റ്റീരിയകള് വളര്ന്നു തുടങ്ങുകയും അതു പിന്നീട് ഭക്ഷ്യവിഷബാധയ്ക്ക് കാരണമായിത്തീരുകയും ചെയ്യും. ഉയര്ന്ന താപനിലയില് പാകം ചെയ്യാന് സാധ്യത ഇല്ലാത്ത ഭക്ഷണവിഭവം ആയതിനാലാണ് ഷവര്മ, പോലുള്ളവ ഭക്ഷ്യവിഷബാധയ്ക്ക് കാരണമായിത്തീരുന്നത്.
ചിലപ്പോള് ഷവര്മ അങ്ങനെ ആകണമെന്നില്ല. എന്നാൽ അതിന്റെ കൂടെ കിട്ടുന്ന സാലഡ്, മയോണൈസ്, അവിടെ ഉപയോഗിച്ച അഴുക്കുവെള്ളം എന്നിവയില് നിന്നേതിലെങ്കിലുമായേക്കാം അണുബാധ സംഭവിച്ചിട്ടുള്ളത്. ലാബ് പരിശോധനാ ഫലം ലഭിച്ചാല് മാത്രമേ ഭക്ഷ്യവിഷബാധയുടെ കൃത്യമായ ഉറവിടം പറയാന് സാധിക്കുകയുള്ളൂ.
