അന്വേഷണം വാർത്തകൾ ലഭിക്കാന് വാട്സാപ്പ് ചാനലില് ചേരൂ.കോഴിക്കോട്: മുന് എം എല് എ. പി സി ജോര്ജിനെതിരെ മുഖ്യമന്ത്രിക്കും ഡി ജി പിക്കും പരാതി നല്കി യൂത്ത് ലീഗ്. മുസ്ലീം സമുദായത്തെ അധിക്ഷേപിച്ചെന്നാരോപിച്ചാണ് പരാതി.
പി സി ജോര്ജിനെതിരെ പരാതി നല്കിയ വിവരം യൂത്ത് ലീഗ് സംസ്ഥാന ജനറല് സെക്രട്ടറി പി കെ ഫിറോസ് ആണ് ഫേസ്ബുക്ക് കുറിപ്പിലൂടെ അറിയിച്ചത്. അനന്തപുരി ഹിന്ദു മഹാസമ്മേളനത്തിന്റെ ഉദ്ഘാടന പ്രസംഗത്തിലായിരുന്നു പി സി ജോര്ജിന്റെ വിവാദ പ്രസംഗം.
പ്രസംഗത്തിലുടനീളം മുസ്ലീം സമുദായത്തെ വര്ഗീയമായി അധിക്ഷേപിക്കുകയും ബോധപൂര്വ്വം വര്ഗീയ ചേരിതിരിവ് സൃഷ്ടിക്കാന് ശ്രമിച്ചെന്നും ഫിറോസ് ആരോപിക്കുന്നു.
ഫേസ്ബുക്ക് പോസ്റ്റിന്റെ പൂര്ണ്ണരൂപം
മുസ്ലീം സമുദായത്തെ ശക്തമായി അധിക്ഷേപിച്ചും വര്ഗ്ഗീയത മാത്രം നിറഞ്ഞ പ്രഭാഷണം നടത്തിയും കേരളീയ സമൂഹത്തിനിടയില് വിഷലിപ്ത സാന്നിധ്യമായി മാറിയ പിസി ജോര്ജ്ജിനെതിരെ നടപടിയെടുക്കാന് ആവശ്യപ്പെട്ട് ഡി.ജി.പിക്കും മുഖ്യമന്ത്രിക്കും പരാതി നല്കി.
