അന്വേഷണം വാർത്തകൾ ലഭിക്കാന് വാട്സാപ്പ് ചാനലില് ചേരൂ.
മലപ്പുറം: എടക്കര മാവോയിസ്റ്റ് കേസിൽ എൻ.ഐ.എ കുറ്റപത്രം സമർപ്പിച്ചു. 2016 ൽ എടക്കരയിൽ സായുധ പരിശീലന ക്യാമ്പ് സംഘടിപ്പിച്ചെന്നാണ് കുറ്റപത്രം. നിരോധിത സംഘടനയായ സിപിഐ മാവോയിസ്റ്റിന്റെ പശ്ചിമഘട്ട സ്പെഷൽ സോണൽ കമ്മിറ്റി ചേർന്നുവെന്നും കുറ്റപത്രത്തിൽ പറയുന്നു.
കേസിൽ മൂന്നു മലയാളികള് ഉള്പ്പടെ 20 പേരാണ് പ്രതികൾ. കൽപറ്റ സ്വദേശി സോമൻ, തൃശൂർ സ്വദേശി സി.ജി രാജൻ,കണ്ണൂർ സ്വദേശി ടി.കെ രാജീവൻ എന്നിവരാണ് പ്രതികളായ മലയാളികൾ.
മാവോയിസ്റ്റുകൾ 2016ൽ എടക്കരയിൽ പരിശീലന ക്യാമ്പ് നടത്തിയെന്നാണ് കേസ്. ക്യാമ്പിൽ സായുധ പരിശീലനത്തിനു പുറമെ പതാക ഉയർത്തലും പഠന ക്ലാസുകളും നടന്നു. അന്വേഷണത്തിന്റെ ഭാഗമായി എൻ ഐഎ നിരവധി കേന്ദ്രങ്ങളിൽ പരിശോധന നടത്തിയിരുന്നു.
