തി​രു​വ​ന​ന്ത​പു​രത്ത് വ​യോ​ധി​ക വീ​ടി​നു​ള്ളി​ൽ മരിച്ചനിലയിൽ; ഭ​ർ​ത്താ​വ് ഷോ​ക്കേ​റ്റ് അ​വ​ശ​നാ​യ നി​ല​യി​ലും

തി​രു​വ​ന​ന്ത​പു​രം: പാ​പ്പ​നം​കോ​ട് വ​യോ​ധി​ക​യെ വീ​ടി​നു​ള്ളി​ൽ മ​രി​ച്ച നി​ല​യി​ൽ ക​ണ്ടെ​ത്തി. ഗി​രി​ജ​യാ​ണ് മ​രി​ച്ച​ത്. ഷോ​ക്കേ​റ്റ് അ​വ​ശ​നാ​യ നി​ല​യി​ൽ ക​ണ്ടെ​ത്തി​യ ഇ​വ​രു​ടെ ഭ​ർ​ത്താ​വ് സ​ദാ​ശി​വ​നെ ആ​ശു​പ​ത്രി​യി​ൽ പ്ര​വേ​ശി​പ്പി​ച്ചി​രി​ക്കു​ക​യാ​ണ്.

ഉച്ചയോടെ വീട്ടിലെത്തിയ മകൻ ഡോ. അജിത് കുമാറാണ് സംഭവം ആദ്യം അറിയുന്നത്. ആത്മഹത്യാക്കുറിപ്പും സ്വത്തു ഭാഗം വയ്ക്കുന്നത് സംബന്ധിച്ച രണ്ടു പേജുള്ള കുറിപ്പും പൊലീസിനു ലഭിച്ചു. ഗിരിജയെ കട്ടിലിൽ മരിച്ചു കിടക്കുന്ന നിലയിലും സദാശിവൻ നായരെ തൊട്ടടുത്ത ശുചിമുറിയിൽ ഷോക്കേറ്റ നിലയിലുമാണ് കണ്ടെത്തിയത്. കൈ ഞരമ്പുകളും മുറിച്ചിരുന്നു.

ഹീറ്ററിന്റെ പ്ലഗിൽനിന്ന് വൈദ്യുതി പ്രവഹിപ്പിച്ചായിരുന്നു ആത്മഹത്യാ ശ്രമം. ഇദ്ദേഹത്തെ മെഡിക്കൽ കോളജ് ആശുപത്രിയിൽ പ്രവേശിപ്പിച്ചു. അപകടനില തരണം ചെയ്തിട്ടില്ല.  

മ​ക​ന്‍ ഉ​ച്ച​യോ​ടെ വീ​ട്ടി​ലെ​ത്തി​യ​പ്പോ​ള്‍ വാ​തി​ലി​ല്‍ മു​ട്ടു​ക​യും ആ​രും തു​റ​ക്കാ​തെ വ​ന്ന​പ്പോ​ള്‍ പ​രി​ഭ്രാ​ന്ത​നാ​യി നാ​ട്ടു​കാ​രെ വി​വ​ര​മ​റി​യി​ക്കു​ക​യു​മാ​യി​രു​ന്നു. 
നാ​ട്ടു​കാ​രെ​ത്തി വാ​തി​ല്‍ ത​ള്ളി​ത്തു​റ​ന്ന് നോ​ക്കു​മ്പോ​ഴാ​ണ് ഗി​രി​ജ​യെ മ​രി​ച്ച നി​ല​യി​ല്‍ ക​ണ്ടെ​ത്തു​ന്ന​ത്. സം​ഭ​വ​ത്തി​ല്‍ നേ​മം പോ​ലീ​സ് അ​ന്വേ​ഷ​ണം ആ​രം​ഭി​ച്ചി​ട്ടു​ണ്ട്.