അന്വേഷണം വാർത്തകൾ ലഭിക്കാന് വാട്സാപ്പ് ചാനലില് ചേരൂ.നിരവധി രോഗാവസ്ഥകളുടെ മുന്നറിയിപ്പ് ആണ് കൊളസ്ട്രോള്. ആരോഗ്യപരമായ പല സങ്കീര്ണ്ണതകള്ക്കും കൊളസ്ട്രോള് കാരണമാകും.ഹൃദ്രോഗം, ഉയര്ന്ന രക്തസമ്മര്ദ്ദം,പ്രമേഹം,സ്ട്രോക്ക് തുടങ്ങി പല അസുഖങ്ങള്ക്കും കൊളസ്ട്രോള് വലിയ തോതില് കാരണമാകും. തുടക്കത്തിൽ തന്നെ കൊളസ്ട്രോള് നിയന്ത്രിക്കേണ്ടത് അനിവാര്യമാണ്.
ഭക്ഷണത്തില് ആവശ്യമായ നിയന്ത്രണങ്ങള് ഏര്പ്പെടുത്തി ക്രമീകരിക്കുകയാണ് ആദ്യം ചെയ്യേണ്ടത്. എന്നാല് ചില ആഹാരങ്ങള് കഴിക്കുന്നത് വളരെ വേഗത്തില് കൊളസ്ട്രോള് നില നിയന്ത്രിക്കാന് സഹായിക്കും. കൊളസ്ട്രോള് ഉയരാന് കാരണമാകുന്ന ഭക്ഷണങ്ങള്ക്ക് നിയന്ത്രണമേര്പ്പെടുത്തുന്നതോടൊപ്പം തന്നെ ചില പാനീയങ്ങള് കഴിക്കുന്നതും വലിയ ഗുണം ചെയ്യും.
ഓട്സ് മില്ക്ക്
കൊളസ്ട്രോള് കുറയ്ക്കാന് വളരെയധികം സഹായിക്കുന്ന ഒന്നാണ് ഓട്ട് മില്ക്ക്. തുടര്ച്ചയായി ഉപയോഗിക്കുകയാണെങ്കില് വലിയ വ്യത്യാസമുണ്ടാക്കാന് ഇത് സഹായിക്കും. ഓട്സ് കഴിക്കുന്നതും കൊളസ്ട്രോള് നില കുറയ്ക്കാന് സഹായിക്കുന്ന ഒന്നാണ്, എന്നാല് കൂടുതല് ഫലം നല്കുക ഓട്ട് മില്ക്ക് തന്നെയാണ്. ഇവയില് കൂടുതലായി ബീറ്റാ ഗ്ലൂക്കന്സ് അടങ്ങിയിട്ടുള്ളതിനാല് കൊളസ്ട്രോള് അപകടകരമാകുന്നതിനു കാരണമാകുന്ന പ്രവര്ത്തനങ്ങള് തടയാന് കഴിയും. ഒരു കപ്പ് ഓട്ട് മില്ക്ക് കഴിക്കുമ്പോള് 1.3 ബീറ്റാ ഗ്ലൂക്കന്സ് ആണ് ശരീരത്തിലെത്തുക. ദിവസവും 3 ഗ്രാം ബീറ്റാ ഗ്ലൂക്കന്സ് ശരീരത്തിലെത്തിയാല് വളരെ പെട്ടെന്ന് തന്നെ കൊളസ്ട്രോള് വരുതിയില് നിര്ത്താന് സാധിക്കും.
ഗ്രീന് ടീ
ഗ്രീന് ടീ കുടിയ്ക്കുന്നത് ശരീരത്തിന് പല ഗുണങ്ങള് നല്കും. കാരണം കാറ്റെച്ചിന് എന്ന ആന്റി ഓക്സിഡന്റ് ധാരാളം അടങ്ങിയതിനാല് കൊളസ്ട്രോള് കുറയ്ക്കുന്നത് ഉള്പ്പെടെയുള്ള ആരോഗ്യകരമായ നിരവധി ഗുണങ്ങള് ഗ്രീന് ടീ കഴിക്കുന്നതിലൂടെ ലഭിക്കും. ചീത്ത കൊളസ്ട്രോള് അലിയിച്ചുകളയാന് ഏറെ ഉപകാരപ്രദമാണിത്. ഒരു കപ്പ് ഗ്രീന് ടീയില് 50 മില്ലിഗ്രാം കാറ്റെച്ചിന് അടങ്ങിയിട്ടുണ്ട്.കുറഞ്ഞത് 12 ആഴ്ചയെങ്കിലും ഗ്രീന് ടീ പതിവായി കഴിച്ചാല് ചീത്ത കൊളസ്ട്രോള് 16 ശതമാനം കുറയ്ക്കാന് കഴിയുമെന്നാണ് പഠനങ്ങള് പറയുന്നത്.
തക്കാളി ജ്യൂസ്
മിക്ക വീടുകളിലും ദിവസേന എന്നപോലെ ഉപയോഗിക്കുന്ന ഒരു പച്ചക്കറിയാണ് തക്കാളി. ചർമ്മ സൗന്ദര്യത്തിന് തക്കാളി സഹായിക്കുന്നതോടൊപ്പം ആരോഗ്യത്തിനും ഇത് ഏറെ ഗുണകരമാണ്. തക്കാളി ജ്യൂസിലെ ലൈക്കൊപീന് എന്ന ഘടകം ശരീരത്തിലെ ചീത്ത കൊളസ്ട്രോളിനെ കുറയ്ക്കാന് ഏറെ സഹായിക്കുന്ന ഒന്നാണ്. അല്പം ഇന്തുപ്പ് മാത്രം ചേര്ത്ത് ദിവസവും ഒന്നോ രണ്ടോ തക്കാളി ജ്യൂസ് രൂപത്തില് കഴിക്കുകയാണെങ്കില് വളരെ വേഗത്തില് ചീത്ത കൊളസ്ട്രോളിനെ നിയന്ത്രിക്കാന് സാധിക്കും.
സോയ മില്ക്ക്
കുറഞ്ഞ അളവ് സാച്ചുറേറ്റഡ് ഫാറ്റ് മാത്രമാണ് സോയയില് അടങ്ങിയിട്ടുള്ളത്, അതുകൊണ്ട് തന്നെ കൊളസ്ട്രോള് കൂടുതലായവര്ക്ക് കഴിക്കാവുന്ന മികച്ച ഒരു ഭക്ഷണമായി സോയയെ കരുതുന്നു. പാലുത്പന്നങ്ങള് കൂടുതലായി കഴിക്കുന്നത് കൊളസ്ട്രോള് വര്ധിക്കുന്നതിന് കാരണമാകുമെന്നതിനാല് ഇവയ്ക്ക് പകരമായി സോയ മില്ക്കും അനുബന്ധ ഉത്പന്നങ്ങളും സുരക്ഷിതമായി ഉപയോഗിക്കാനാകും. ഹൃദ്രോഗം ഉള്ളവര്ക്കും ഇത് ഉപയോഗിക്കാന് കഴിയും.
