അന്വേഷണം വാർത്തകൾ ലഭിക്കാന് വാട്സാപ്പ് ചാനലില് ചേരൂ.
തിരുവനന്തപുരം: സംസ്ഥാനത്ത് ഗുണ്ടാ ആക്രമണങ്ങൾ വർധിച്ചു വരുന്ന പശ്ചാത്തലത്തില് പൊലീസ് ഉന്നതതല യോഗം വിളിച്ച് മുഖ്യമന്ത്രി പിണറായി വിജയൻ.
മുഖ്യമന്ത്രിയുടെ ചേമ്ബറിൽ ഇന്ന് വൈകിട്ട് നാല് മണിക്കാണ് യോഗം. പൊലീസ് റിപ്പോർട്ട് നൽകിയിട്ടും ഗുണ്ടകളെ അറസ്റ്റ് ചെയ്യാൻ കളക്ടറുടെ ഉത്തരവ് വൈകുന്നുവെന്ന റിപ്പോർട്ടിന്റെ അടിസ്ഥാനത്തിലാണ് യോഗം. ഡി ജി പി അനിൽ കാന്ത്, ആഭ്യന്തര വകുപ്പ് സെക്രട്ടറി തുടങ്ങിയവർ യോഗത്തിൽ പങ്കെടുക്കും.
ഗുണ്ടാ ആക്രമണം അവസാനിപ്പിക്കാന് കാപ്പ ചുമത്താനുള്ള അധികാരം ഡി.ഐ.ജിമാര്ക്ക് നല്കണമെന്ന ആവശ്യം പൊലീസ് ഉയര്ത്തിയിരുന്നു. ഇന്നത്തെ യോഗത്തില് പൊലീസിന്റെ ഈ ആവശ്യം പ്രധാന വിഷയമാകും. കഴിഞ്ഞ ദിവസം പൊലീസ് ഇക്കാര്യത്തില് റിപ്പോര്ട്ട് നല്കിയിരുന്നു.
