അന്വേഷണം വാർത്തകൾ ലഭിക്കാന് വാട്സാപ്പ് ചാനലില് ചേരൂ.മെസ്സിയുടെ പേരിലെ തട്ടിപ്പിൽ വ്യാപക പരിശോധനയുമായി എസ്ഐടി. അഗസ്റ്റിൻ സഹോദരന്മാരുടെ വീടുകളിലടക്കം അഞ്ച് സ്ഥലങ്ങളിൽ പ്രത്യേക അന്വേഷണ സംഘം ഒരേസമയം പരിശോധന നടത്തുകയാണ്. കോടതി ഉത്തരവിന്റെ അടിസ്ഥാനത്തിലാണ് പരിശോധന നടക്കുന്നത്.
അഗസ്റ്റിൻ സഹോദരന്മാരുടെ വീടുകൾക്ക് പുറമെ ആർബിസിയുടെ ഓഫീസിലും വയനാട്ടിലെ ഒരു വീട്ടിലും എസ്.ഐ.ടി പരിശോധന തുടരുകയാണ്. വിവിധ കേന്ദ്രങ്ങളിൽ ഒരേസമയം പരിശോധന നടത്തുന്നതാണ് ഇപ്പോഴത്തെ നടപടിയുടെ പ്രത്യേകത.
കൂടാതെ റിപ്പോര്ട്ടര് ചാനലിന്റെ കൊച്ചി കളമശ്ശേരിയിലെ ഓഫീസില് ഉള്പ്പെടെയാണ് പോലീസ് പരിശോധന നടത്തുന്നത്. പുലര്ച്ചെയോടെ സെര്ച്ച് വാറണ്ടുമായെത്തിയാണ് റിപ്പോര്ട്ടര് ചാനല് ഓഫിസില് പൊലീസ് പരിശോധന നടത്തിയത്. നടപടികള് ഇപ്പോഴും പുരോഗമിക്കുകയാണ്.
മെസ്സി വിവാദവുമായി ബന്ധപ്പെട്ട് അന്വേഷണം പുരോഗമിക്കുന്നതിനിടെയാണ് എസ്.ഐ.ടി പരിശോധന. കോടതി ഉത്തരവ് ലഭിച്ചതിന് പിന്നാലെയാണ് സംഘം അഞ്ച് ഇടങ്ങളിലായി പരിശോധന ആരംഭിച്ചത്. വീടുകളും ഓഫീസും ഉൾപ്പെടെയുള്ള സ്ഥലങ്ങളിലാണ് അന്വേഷണ സംഘം പരിശോധന നടത്തുന്നത്.
പരിശോധനയിൽ എന്തെല്ലാം കണ്ടെത്തിയെന്നതടക്കമുള്ള കൂടുതൽ വിവരങ്ങൾ പുറത്തുവന്നിട്ടില്ല. എസ്.ഐ.ടിയുടെ പരിശോധന പൂർത്തിയായ ശേഷമേ അന്വേഷണവുമായി ബന്ധപ്പെട്ട കൂടുതൽ വിവരങ്ങൾ വ്യക്തമാകൂ.
