അന്വേഷണം വാർത്തകൾ ലഭിക്കാന്‍ വാട്സാപ്പ് ചാനലില്‍ ചേരൂ.
ബംഗളൂരു: വിഷു-ഈസ്റ്റർ അവധിയോടനുബന്ധിച്ച് കൂടുതൽ പ്രത്യേക സർവിസുകളുമായി കർണാടക ആർ.ടി.സി. യാത്രാതിരക്ക് കൂടുതലുള്ള ഏപ്രിൽ 13ന് കേരളത്തിൻറെ വിവിധ ഭാഗങ്ങളിലേക്ക് 22 പ്രത്യേക സർവിസുകളും ഏപ്രിൽ 12ന് രണ്ട് സർവിസുകളുമാണ് പ്രഖ്യാപിച്ചത്.
ഈ ബസുകളിലെ റിസർവേഷൻ ആരംഭിച്ചു. യാത്രക്കാരുടെ തിരക്കനുസരിച്ച് വരും ദിവസങ്ങളിൽ കൂടുതൽ സർവിസുകൾ ഏർപ്പെടുത്തുമെന്ന് അധികൃതർ അറിയിച്ചു. കോവിഡ് മഹാമാരിക്കുശേഷം ഇപ്പോഴാണ് അവധിക്കാലത്ത് കൂടുതൽ പ്രത്യേക സർവിസുകൾ ഏർപ്പെടുത്തുന്നത്.
കർണാടക ആർ.ടി.സിയുടെ പ്രത്യേക സർവിസുകൾ:
ബംഗളൂരു – എറണാകുളം (മൾട്ടി ആക്‌സിൽ വോൾവോ- രാത്രി 9.10, 9.20, 8.38, 9.12, 8.48 എ.സി. സ്ലീപ്പർ- 9.22),
ബംഗളൂരു – കോട്ടയം (മൾട്ടി ആക്‌സിൽ വോൾവോ – രാത്രി 7.08, 7.38, 7.48, 8.24),
മൈസൂരു – എറണാകുളം (മൾട്ടി ആക്‌സിൽ വോൾവോ, വൈകീട്ട് 6.52),
ബംഗളൂരു – തൃശൂർ (ഐരാവത് ക്ലബ് ക്ലാസ്- രാത്രി 9.28, 9.18, 9.40),
ബംഗളൂരു – പാലക്കാട് (ഐരാവത് ക്ലബ് ക്ലാസ്- രാത്രി 9.55, 9.46),
ബംഗളൂരു – കണ്ണൂർ (ഐരാവത്-രാത്രി 9.10, രാത്രി 10.10, രാജഹംസ -രാത്രി 9.27, രാത്രി 9.34),
ബംഗളൂരു – കോഴിക്കോട് (ഐരാവത് ക്ലബ് ക്ലാസ് -രാത്രി 10.44),
ബംഗളൂരു – വടകര (രാജഹംസ – രാത്രി 8.45).
ഏപ്രിൽ 12: ബംഗളൂരു – എറണാകുളം (രാത്രി 9.18), മൈസൂരു – എറണാകുളം (രാത്രി 6.52).
