രണ്ടുരൂപ കൺസെഷൻ നാണക്കേടെന്ന് പറഞ്ഞിട്ടില്ല, തന്‍റെ വാക്കുകള്‍ അ​ട​ർ​ത്തി​യെ​ടു​ത്ത് ദു​ർ​വ്യാ​ഖ്യാ​നം ചെ​യ്തു: മന്ത്രി ആന്‍റണി രാജു

തിരുവനന്തപുരം: വിദ്യാർഥികളുടെ കൺസഷൻ നാണക്കേടെന്ന പരാമർശത്തില്‍ വിശദീകരണവുമായി ഗതാഗത മന്ത്രി ആന്‍റണി രാജു. ത​ന്‍റെ പ്ര​സ്താ​വ​ന​യി​ലെ ഒ​രു​ഭാ​ഗം അ​ട​ർ​ത്തി​യെ​ടു​ത്ത് ദു​ർ​വ്യാ​ഖ്യാ​നം ചെ​യ്തു. ക​ൺ​സ​ഷ​ൻ നി​ര​ക്ക് പ​ര​മാ​വ​ധി കു​റ​യ്ക്കാ​നാ​ണ് ഗ​താ​ഗ​ത വ​കു​പ്പ് ശ്ര​മി​ക്കു​ന്ന​തെ​ന്ന് മ​ന്ത്രി പ​റ​ഞ്ഞു.

ക​ണ്‍​സ​ഷ​ന് താ​ൻ എ​തി​ര​ല്ല. വി​ദ്യാ​ർ​ഥി​ക​ൾ​ക്ക് എ​തി​രാ​യ തീ​രു​മാ​നം എ​ടു​ക്കി​ല്ലെ​ന്നും ത​ന്‍റെ വാ​ക്കു​ക​ൾ അ​ട​ർ​ത്തി​യെ​ടു​ത്ത് വി​വാ​ദ​മാ​ക്കു​ക​യാ​യി​രു​ന്നെ​ന്നും മ​ന്ത്രി പ​റ​ഞ്ഞു.

കൺസെഷൻ നിരക്ക് പരാമവധി കുറയ്ക്കാനാണ് ഗതാഗത വകുപ്പ് നോക്കുന്നത്. യാത്രാ നിരക്ക് വർധന അനിവാര്യമാണ്. വിദ്യാർഥി കൺസഷൻ ദോഷകരമായി ബാധിക്കാത്ത തരത്തിൽ വരുത്താനാണ് ആലോചനയെന്ന് മന്ത്രി പറഞ്ഞു. വിദ്യാർഥി സംഘടനകളുമായി ആവശ്യമെങ്കിൽ ചർച്ച നടത്തും. ബി​പി​എ​ൽ വി​ദ്യാ​ർ​ഥി​ക​ൾ​ക്ക് സ​മ്പൂ​ർ​ണ സൗ​ജ​ന്യ​യാ​ത്ര പ​രി​ഗ​ണ​ന​യി​ലാ​ണെ​ന്നും അ​ദ്ദേ​ഹം പ​റ​ഞ്ഞു.

ബ​സ് ചാ​ർ​ജ് വ​ർ​ധ​ന ഒ​രു ദി​വ​സം കൊ​ണ്ട് തീ​രു​മാ​നി​ക്കാ​ൻ ക​ഴി​യു​ന്ന കാ​ര്യ​മ​ല്ല. ഇ​ട​തു​മു​ന്ന​ണി വി​ഷ​യം ച​ർ​ച്ച ചെ​യ്ത ശേ​ഷ​മേ അ​ന്തി​മ തീ​രു​മാ​നം എ​ടു​ക്കൂ. വി​ഷ​യ​ത്തി​ൽ കെ​എ​സ്‌​യു​വി​ന്‍റെ പ്ര​തി​ക​ര​ണം രാ​ഷ്ട്രീ​യ​പ്രേ​രി​ത​മാ​ണെ​ന്നും മ​ന്ത്രി കൂ​ട്ടി​ച്ചേ​ർ​ത്തു.

തനിക്കെതിരേയുള്ള കെഎസ്.യുവിന്റെ ആരോപണം രാഷ്ട്രീയ പ്രേരിതമാണ്. ഉമ്മന്‍ചാണ്ടി മുഖ്യമന്ത്രിയായിരുന്ന കാലത്താണ് ഏറ്റവും ഒടുവില്‍ വിദ്യാര്‍ഥികളുടെ കണ്‍സെഷന്‍ ഇരട്ടിയാക്കി ഉയര്‍ത്തിയതെന്നും മന്ത്രി പറഞ്ഞു.

 
നിലവിലെ കണ്‍സെഷന്‍ നിരക്ക് വിദ്യാർത്ഥികൾക്ക് തന്നെ നാണക്കേടാണെന്ന ആന്‍റണി രാജുവിന്‍റെ പ്രസ്താവനയാണ് വിവാദമായത്. കൺസെഷൻ തുക വിദ്യാർത്ഥികൾ നാണക്കേടായി കാണുന്നുവെന്ന് പറഞ്ഞ മന്ത്രി പലരും അഞ്ചുരൂപ കൊടുത്താൻ ബാക്കി വാങ്ങാറില്ലെന്നും പറഞ്ഞിരുന്നു. ‘പത്ത് വർഷം മുൻപാണ് വിദ്യാർത്ഥികളുടെ കൺസെഷൻ തുക രണ്ട് രൂപയായി നിശ്ചയിച്ചത്. രണ്ട് രൂപ ഇന്ന് വിദ്യാർത്ഥികൾക്ക് തന്നെ മനപ്രയാസം ഉണ്ടാക്കുന്നു’. കൺസെഷൻ തുക വർധിപ്പിക്കേണ്ടി വരുമെന്നുമായിരുന്നു മന്ത്രി വിശദീകരിച്ചത്. 

എന്നാല്‍ മന്ത്രിയുടെ പ്രസ്താവനയെ അപക്വം എന്നാണ് എസ്എഫ്ഐ വിശേഷിപ്പിച്ചത്. വിദ്യാർത്ഥി ബസ് കൺസെഷൻ ആരുടെയും ഔദാര്യമല്ല അവകാശമാണ്. നിരവധി അവകാശ സമരങ്ങളിലൂടെ നേടിയെടുത്ത വിദ്യാർത്ഥികളുടെ അവകാശമാണ് ബസ് കൺസെഷൻ. അത് വർദ്ധിപ്പിക്കുന്നത് ആലോചിക്കുമെന്നും അതോടൊപ്പം തന്നെ നിലവിലെ കൺസെഷൻ തുക കുട്ടികൾക്ക് തന്നെ നാണക്കേടാണെന്നും അഭിപ്രായം പ്രകടിപ്പിച്ച ഗതാഗതമന്ത്രിയുടെ അഭിപ്രായ പ്രകടനം പ്രതിഷേധാർഹമാണെന്ന് എസ്എഫ്ഐ പുറത്തിറക്കിയ വാര്‍ത്താക്കുറിപ്പില്‍ പറയുന്നു.