അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.
തിരുവനന്തപുരം: ധനമന്ത്രി കെ എൻ ബാലഗോപാൽ ഇന്ന് അവതരിപ്പിച്ചത് ആരോഗ്യ മേഖലയ്‌ക്ക് കരുത്തേകുന്ന ബജറ്റാണെന്ന് ആരോഗ്യ വകുപ്പ് മന്ത്രി വീണാ ജോർജ് വ്യക്തമാക്കി. 2629.33 കോടി രൂപയാണ് അനുവദിച്ചിരിക്കുന്നത്. മുൻ വർഷത്തെക്കാൾ 288 കോടി രൂപയാണ് അധികമായി അനുവദിച്ചതെന്നും മന്ത്രി വ്യക്തമാക്കി.
നാഷണൽ ഹെൽത്ത് മിഷന് വേണ്ടി 484.8 കോടിയും നാഷണൽ ആയുഷ് മിഷന് വേണ്ടി 10 കോടിയും സംസ്ഥാന വിഹിതമായി വകയിരുത്തിയിട്ടുണ്ട്. ആരോഗ്യ മേഖലയുടെ സമഗ്ര വികസനത്തിനായി ഇത് വളരെയധികം സഹായിക്കുമെന്നും മന്ത്രി കൂട്ടിച്ചേർത്തു .
