അന്വേഷണം വാർത്തകൾ ലഭിക്കാന്‍ വാട്സാപ്പ് ചാനലില്‍ ചേരൂ.പാക്കിസ്ഥാനിലെ പെഷവാറിൽ വെള്ളിയാഴ്‌ചയുണ്ടായ സ്‌ഫോടനവുമായി ബന്ധപ്പെട്ട് തെറ്റിദ്ധരിപ്പിക്കുന്ന ചിത്രങ്ങൾ പ്രചരിക്കുന്നു. സ്‌ഫോടനസ്ഥലത്ത് നിന്ന് ഓടിപ്പോകുന്ന ഒരാളുടെ ഹൃദയഭേദകമായ ചിത്രം ഏറെ വൈറൽ ആയി പ്രചരിക്കുന്നുണ്ട്. പള്ളിയിൽ നടന്ന സ്ഫോടനത്തിന്റെ ബാക്കി എന്ന നിലക്കാണ് ഈ ചിത്രം പ്രചരിക്കുന്നത്.
2022 മാർച്ച് 4 നായിരുന്നു പെഷവാറിലെ ഒരു മുസ്ലീം പള്ളിയിൽ വെള്ളിയാഴ്ച പ്രാർത്ഥന നടക്കുന്നതിനിടെ ചാവേർ സ്ഫോടനം നടത്തി 61 പേർ കൊല്ലപ്പെട്ടത്. ആക്രമണത്തിന്റെ ഉത്തരവാദിത്തം ഇസ്ലാമിക് സ്റ്റേറ്റ് (ഐഎസ്ഐഎസ്) ഏറ്റെടുത്തതായി സിഎൻഎൻ റിപ്പോർട്ട് ചെയ്തു. ഈ പശ്ചാത്തലത്തിലാണ് ചിത്രം പങ്കുവയ്ക്കുന്നത്.
‘പാക്കിസ്ഥാനിലെ പെഷവാറിലെ പള്ളിയിൽ വെള്ളിയാഴ്ച പ്രാർത്ഥനയ്ക്കിടെയുണ്ടായ ബോംബ് സ്ഫോടനത്തിൽ 30 പേർ കൊല്ലപ്പെടുകയും 50-ലധികം പേർക്ക് പരിക്കേൽക്കുകയും ചെയ്തു: ജിയോ ന്യൂസ്’ എന്നാണ് ഫോട്ടോയ്‌ക്കൊപ്പം നൽകിയിട്ടുള്ള അടിക്കുറിപ്പ്.
ഹിന്ദി അടിക്കുറിപ്പോടെയാണ് ചിത്രം പങ്കുവെച്ചിരിക്കുന്നത്. ചിത്രം പങ്കിടുന്ന ഒരു ഹിന്ദി അടിക്കുറിപ്പ് ‘പെഷവാറിലെ പള്ളിയിലുണ്ടായ സ്ഫോടനത്തിൽ 30 പേർ രക്തസാക്ഷികളാവുകയും നിരവധി പേർക്ക് പരിക്കേൽക്കുകയും ചെയ്തു’ എന്നാണ് എഴുതിയിരിക്കുന്നത്.
(Hindi: पाकिस्तान के पेशावर में एक मस्जिद में नमाज़े जुमा के दौरान विस्फ़ोट हुआ जिसमें 30 लोगों के शहीद होने की खबर है बाकी बहुत से जख्मी हैं)
ഫാക്ട് ചെക്ക്
ചിത്രത്തിന്റെ വിശദാംശങ്ങൾ ലഭിക്കാൻ ഒരു റിവേഴ്‌സ് ഇമേജ് സെർച്ച് നടത്തിയപ്പോൾ 2013 ഒക്ടോബർ 4-ന് പ്രസിദ്ധീകരിച്ച ഒരു TIME ലേഖനത്തിൽ അതേ ചിത്രം കണ്ടെത്തി. ലേഖനത്തിൽ വൈറൽ ഫോട്ടോയുൾപ്പെടെ ആകെ 63 ചിത്രങ്ങളും ഉണ്ട്. ലേഖനത്തിന്റെ തലക്കെട്ട്, “ആഴ്ചയിലെ ചിത്രങ്ങൾ: സെപ്റ്റംബർ 27 – ഒക്ടോബർ 4” എന്നാണ്.
ആകെയുള്ള 63 ചിത്രങ്ങളിൽ 30-ാം സ്ഥാനത്താണ് വൈറലായ ഫോട്ടോ കാണുന്നത്. ചിത്രത്തോടൊപ്പമുള്ള അടിക്കുറിപ്പ് ‘സെപ്തംബർ. 29, 2013. പാകിസ്ഥാനിലെ പെഷവാറിൽ ഒരു കാർ പൊട്ടിത്തെറിച്ചതിന് തൊട്ടുപിന്നാലെ സ്ഫോടനം നടന്ന സ്ഥലത്ത് നിന്ന് ഒരു പാക്കിസ്ഥാൻകാരൻ കുട്ടിയെയും വഹിച്ചുകൊണ്ട് ഓടി. മുഹമ്മദ് സജ്ജാദ്-എപി’.
ഈ ക്യൂ എടുത്ത്, ഞങ്ങൾ അന്താരാഷ്ട്ര വാർത്താ ഏജൻസിയായ അസോസിയേറ്റഡ് പ്രസ്സ് ഇമേജസിന്റെ വെബ്‌സൈറ്റിൽ അനുബന്ധ കീവേഡ് തിരയൽ നടത്തി. അതേ വിവരങ്ങൾ പരാമർശിക്കുന്ന അതേ ചിത്രം അവിടെയും കാണാൻ സാധിച്ചു.
2013 സെപ്റ്റംബർ 29 ഞായറാഴ്ച, പാക്കിസ്ഥാനിലെ പെഷവാറിൽ ഒരു കാർ പൊട്ടിത്തെറിച്ചതിന് തൊട്ടുപിന്നാലെ കുട്ടിയെയും വഹിച്ചുകൊണ്ട് ഒരു പാകിസ്ഥാൻകാരൻ സ്ഫോടനം നടന്ന സ്ഥലത്തുനിന്നും ഓടിയെത്തുന്നു. വടക്കുപടിഞ്ഞാറൻ പാക്കിസ്ഥാനിലെ തിരക്കേറിയ തെരുവിൽ ഒരു കാർ ബോംബ് പൊട്ടിത്തെറിച്ചു. ഞായറാഴ്ച, ഒരാഴ്ചയ്ക്കിടെ പ്രശ്നബാധിത നഗരമായ പെഷവാറിൽ നടന്ന മൂന്നാമത്തെ സ്ഫോടനത്തിൽ നിരവധി പേർ കൊല്ലപ്പെട്ടതായി അധികൃതർ അറിയിച്ചു എന്നിങ്ങനെയാണ് ആ ചിത്രത്തിന്റെ വിവരണത്തിൽ നൽകിയിട്ടുള്ളത്. എപി ഫോട്ടോഗ്രാഫർ മുഹമ്മദ് സജ്ജദാണ് ചിത്രം പകർത്തിയത്.
ചുരുക്കത്തിൽ, 2013 ൽ പാകിസ്ഥാനിൽ തന്നെയുണ്ടായ ഒരു സ്ഫോടനത്തിന്റെ ചിത്രമാണ് 2022 ലും പ്രചരിക്കുന്നത്. പുതിയ സ്ഫോടനത്തിന്റെ ചിത്രം എന്ന നിലയിൽ പ്രചരിക്കുന്ന ഈ ചിത്രം ആളുകളെ തെറ്റിദ്ധരിപ്പിക്കുന്നതാണ്.
